IJAI 48:13 - Bibəl ta Sar̄

¹³ A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

Bible sar

¹³ A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

IJAI 48:13 Referans Kwoze

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

PĀ GƏ̄ 102:25

Adə̄ m-ə́da na: Nə́ɓā yāḿ, ī-lōō kunəm̄ kɔ̄ɔ́ dan ń ɓālə̄ḿ ugə̄ kə̄ danaá ɓáý ní! Ḭ̄ ā ī-ndi i kə dɔ ɓāl̄ gə̄ malang.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

IJAI 40:12

I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

IJAI 40:22

Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

PĀ GƏ̄ 147:4

Ni tə́da kutə tə́yō̰ gə̄, əndā rī dɔdə́ gə̄ tə́ kógə̄ḿ kógə̄ḿ.

Makətūbə̄ yā Job 37:18

dan ń Nə́ɓā a rāań dɔ rā̰ ń i yá̰á̰ kə́ ngan̄g tītə̄ kútə́ram kə́ rāā kə gindīí beé ní, ḭ̄ ī-rāā seneé a?

Makətūbə̄ ń Pol ndang adə̄ Rom gə̄ ní 4:17

tītə̄ ń makətūbə̄ yā Nə́ɓā ədań ní. Ndangən̄ na: I ḭ̄ n m-ā m̄-rāā kadə̄ ā ī-tél kaa gír de kə́ ngá̰ý gə̄ ní. Ni i kaají ta kum nge ń ni-taā kemən tə́ ní, i Nə́ɓā kə́ nge ndól̄ de kə́ koy gə̄ ō, kə́ nge kəndā yá̰a̰ gə̄ ń gətóon̄ ní ō.

IJAI 40:21

Sḭḭ̄ ī-gerī nge ń noō aĺ a? Adə̄ sḭḭ̄ ōōī nge ń noō aĺ a? Ta kəla gíŕ tə́ ní ədan̄sí yá̰a̰ gə̄ ń noō aĺ a? Sḭḭ̄ ī-gerī deē ń əndā gír gisə dɔ nang ní aĺ a?

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

JEREMI 51:15

Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.