IJAI 48:1 - Bibəl ta Sar̄

¹ Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

Bible sar

¹ Kojə yā Jakob gə̄, sḭḭ̄ ń rī *Israel ɓār̄ dɔsí tə́ ō, i *Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 48:1 Referans Kwoze

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

PĀ GƏ̄ 68:26

Ngé kənī pā gə̄ i kété, gōsə̄ gə̄ utə̄n̄ gōdə́, ba ngáń kə́ dəyá̰ kə́ ngé kənda kɔdə gə̄ njə̄rān̄ kə gō kadədə́.

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.

IJAI 65:16

Kem ɓēé ní, ré deē ndigə ndə̄ngā ndi majə yā deē kógə̄ḿ anī, a un i rī Nə́ɓā kə́ nge ra dɔ ndūn tə́ n a tɔ́rəń tan dɔ deē ní tə́ ní. Nge kənī ndūn kə ngangá a un i rī Nə́ɓā kə́ nge ra dɔ ndūn tə́ n a túbəń yā kənīń ndūn ní. Kɔ́ɔ̄ɓē əda na: Wur kɔl kə́ mān̄ kɔ̄ɔ́ gə̄ ní, dɔ de gə̄ a ndígə̄nal kɔ̄ɔ́, nin̄ a hində̄n̄ lim kɔ̄ɔ́ sa̰y ta kumḿ tə́.

NDŪ NAJƏ̄ 6:13

I ni ngóy n ā ī-ɓōlíī ndílən ō, ā ī-ndɔ̄ȳniī ō, ā ī-túbiī kə rīneé ō ní.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

Makətūbə̄ ń Pol ndang adə̄ Rom gə̄ ní 9:8

Kumən na ngán gə̄ ń ojən̄də́ kə gō yā dā̰ rɔ̄ɔ́ ní, i nin̄ n i ngáń Nə́ɓā gə̄ ní alé. I ngán gə̄ ń ojən̄də́ kə gō kənī míndə yā Nə́ɓāá ní ngóy n a rāān̄də́ ngáń kaa gə̄ kə́ rɔ̄kum gə̄ tə́ ní.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

Makətūbə̄ ń Pol ndang adə̄ Rom gə̄ ní 2:17

Ḭ̄ ń rī Jipə ɓār̄ dɔí tə́ ní, ə̄ndā tɔ́gí dɔ ndū najə̄ tə́ ō, ɔ́jə rɔ̄í najə̄ yā Nə́ɓā yāí tə́ ō,

JA̰A̰ 4:24

Nə́ɓā i Ndíl, adə̄ majə kadə̄ ngé rɔȳn gə̄ rɔȳnən̄ kə ta kūl̄ Ndíl ō, kə́ rɔ̄kum tə́ ō.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

IJAI 44:5

Nge kə́rēý a əda na: Mā i deē yā Kɔ́ɔ̄ɓē, nge kə́ rang a əda na: Mā i de kə́ kem kojə yā Jakob tə́. Nge kə́ rang ɓáý to̰ a ndang gidə jīn tə́ na: Mā i yá̰a̰ yā Kɔ́ɔ̄ɓē, ō ni a əndā rī Israel dɔn tə́ ō.

IJAI 26:13

Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

Gōsə̄ najə̄ gə̄ 5:16

Ī-lōō kəya̰ man̄ yāí ń əɓa nang tə́ ní kadə̄ nōō ndágá, aláa kadə̄ ngán man̄ yāí gə̄ nōōn̄ kum róbə kɔsə gə̄ tə́,

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 63:11

Ādə̄ oyn̄ yo kaskar! Ādə̄ télən̄ dā̰ yā tal̄ gə̄.

2 MBAN̄G 17:34

Ɓōólaā gə̄gē ngán kaadə́ gə̄ a rāān̄ yá̰a̰ kāgə̄ ɓē yādə́ kə́ jóo gə̄ noó ɓáý. Nin̄ ndɔ̄ȳn̄ Kɔ́ɔ̄ɓē kə́ rɔ̄ rɔ̄ gə̄ tə́ alé. Rāān̄ gō míndə gə̄ ń əndān̄ dɔdə́ tə́ kadə̄ rāān̄ ní aĺ ō, rāān̄ yá̰a̰ kāgə̄ ɓē yā Israel aĺ ō, rāān̄ yá̰á̰ ń ndū najə̄ yā Kɔ́ɔ̄ɓē əda ní aĺ ō, yá̰a̰ gə̄ ń Kɔ́ɔ̄ɓē əda kadə̄ ngán Jakob gə̄ rāān̄ ní aĺ ō. I Jakob ngeé ń toō n Kɔ́ɔ̄ɓē əndā rīn na i Israel ní.

NDŪ NAJƏ̄ 33:28

Ngán Israel gə̄ ənīn̄ kemdə́ báŕ báŕ ndin̄neé tām̄ yá̰á̰ kə́ yā rāādə́ gətóo. Ngán kaa Jakob gə̄ aw̄ ndin̄ loo kə́ yá̰á̰ kə́ majaĺ a rāādə́ tū tə́ aĺ tə́. Nin̄ ndin̄ i dɔ nang kə́ kōō gémē ō, kāgə̄ nduú ō, a əɓan̄ tū tə́ i kə ta kūl̄ tal kə́ ngá̰ý kə́ ḭḭ dɔ rā̰ tə́.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

NDŪ NAJƏ̄ 5:28

Najə̄ malang ń ɔ̄rī seḿ ní Kɔ́ɔ̄ɓē oō, adə̄ ni ədam̄ na: Najə̄ ń ngán Israel gə̄ ədanī ní, m-ōō. Najə̄ yādə́ i gōtə́.

TƏ́DA 24:7

Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.

LEBI GƏ̄ 19:12

Úniī rīḿ ī-túbiīń dɔ sor̄ tə́ alé, na sōgə́ ī-nujiī rāā Nə́ɓā yāsí. Mā i Kɔ́ɔ̄ɓē.

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

TA KƏLA 35:10

Nə́ɓā ədan: Rīí na i Jakob, ba a ɓāríīn̄ na i Jakob to̰ alé, a ɓāríīn̄ na i Israel. Adə̄ Nə́ɓā əndā rīn na i Israel,

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

JAKARI 5:3

Anī de kə́ dɔ rā̰ tə́ ní, ədam̄ na i ndɔ̄ĺ ń a rāān̄ yā ndɔ̄ĺ ɓē kə taá malang ní n ndangən̄ najə̄n ní. Gidə ndāŕ kə́ dām̄ kógə̄ḿ tə́ ɓáa ndangən̄ tū tə́ na: A tə̄ɓān̄ ngé ɓogə gə̄ malang kɔ̄ɔ́ kem ɓēé. Dāmə̄n kə́rēý tə́ anī ndangən̄ tū tə́ na: De gə̄ malang ń túbən̄ dɔ láḿ tə́ ní, a tə̄ɓān̄də́ kɔ̄ɔ́ kem ɓēé ō.

2 MBAN̄G 5:20

Geaji nge kəla yā Elije əda kə̄ kemən tə́ na: Kɔ́ɔ̄ḿ əya̰ Naaman ń i Aram deē ń, adə̄ aw̄ kanjə̄ taā yá̰a̰ ndējə̄ gə̄ ń reēń ní jīn tə́. Tītə̄ ń Kɔ́ɔ̄ɓē ndiń kə kumneé noō, m-ā m̄-ngɔ̄də̄ gōn kadə̄ m-āw̄ m-ə́nge yá̰á̰ kógə̄ḿ jīn tə́!

PĀ GƏ̄ 68:27

Ī-tɔ̄yī Nə́ɓā loo kán̄ náā gə̄ tə́, ī-tɔ̄yī Kɔ́ɔ̄ɓē ta kəɓa man̄ kə́ Israel tə́.

IJAI 51:1

Kɔ́ɔ̄ɓē əda na: Sḭḭ̄ ń majə kadə̄ ajən̄sí ní, sḭḭ̄ ń ī-sāāī gerə̄m̄ ní, ōōī najə̄ yāḿ. Á̰a̰ī mbal̄ ń tə́gā ɔrə̄n̄sí tū tə́ ní, kɔkərɔ kə́ kán̄ dɔ naā tə́ ń unən̄sí danaá ní.

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

MISE 2:7

Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.