IJAI 47:6 - Bibəl ta Sar̄

⁶ Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

Bible sar

⁶ Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 47:6 Referans Kwoze

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

2 YÁ̰A̰ GƏ̄ 28:9

Nge koō ta yā Kɔ́ɔ̄ɓē kógə̄ḿ ndi Samari noó, rīn na i Oded. Ni teē tə́nī ta ngé rɔ̄ɔ̄ kə́ Israel tə́ gə̄ ń tél a reēn̄ kə̄ ɓēé ní ba ədadə́ na: Wōn̄g rāā Kɔ́ɔ̄ɓē Nə́ɓā yā kaasí gə̄ kə Juda gēé adə̄ əladə́ kem jīsí tə́. Banī wōn̄g ń rāāsí á ī-tɔ̄līineé de kə́rēý gə̄ dandə́ tə́ ní to ɓōĺ ngá̰ý adə̄ aw̄ bátə́ ugə̄ dɔ rā̰ tə́.

NDŪ NAJƏ̄ 28:50

I nápar de gə̄ kə́ kumdə́ o̰o̰də́ alé, kə́ a ɓōlə́n̄ ndíl de kə́ tɔgə ɓə́ga aĺ ō, a a̰a̰n̄ kum tō ndoō yā ngōn̄ kə́ dūú aĺ ō.

ABƏDIAS 1:10

Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

PĀ GƏ̄ 69:26

Ādə̄ nujən̄ gérger yādə́ sák sák ō, ādə̄ deē gətóo kem kújə tandā yādə́ tə́ ō.

ABƏDIAS 1:16

Israel gə̄, sḭḭ̄ ā̰yī yá̰á̰ kə́ kem kópə wōn̄g yāḿ tə́ kɔ̄ɔ́ ɓá, dɔ mbal̄ yāḿ kə́ táĺ tə́. I beé ní, nápar de gə̄ a a̰ȳn̄ tītə̄ yāsí ō, kanjə̄ dəba. A a̰ȳn̄ bátə́ kadə̄ rāādə́ kə́ kasə tə́. Gō tə́ anī, nin̄ a gətóon̄ kɔ̄ɔ́ malang.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

EJEKIEL 28:16

Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 13:16

A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

2 SAMUEL 24:14

Dabid əda Gad na n-sɔ̄l̄ ngá̰ý. Ɓá tá ba kəsō kem jī Kɔ́ɔ̄ɓē tə́ i só tə́ tɔȳ kəsō kem jī deē ndul gə̄ tə́. Tɔdɔ̄ Nə́ɓā i de kə́ kumən o̰o̰n seí ngá̰ý.

IJAI 14:6

ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

NŌŌ RƆ̄ 1:14

Á̰a̰ī njúkə mbātə́ najə̄ yāḿ gə̄ n i kə́ rákə̄də́ ta naā tə́ toó. Ni do̰ō̰ naā tə́ kə jīneé ō, əga míndə́ḿ tə́ ō. Kɔ́ɔ̄ɓē taā tɔ́gə́ḿ kɔ̄ɔ́. Ni əlam̄ kem jī de kə́ m-ásə rɔ̄ɔ̄də́ dɔḿ tə́ aĺ gə̄ tə́.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

NŌŌ RƆ̄ 5:12

Nin̄ kɔ́ gə̄ ənīn̄ kəlā míndə ngār gə̄ tə́ kə jīdə́ tɔ̄l̄neédə́ ō, rɔyn̄ kum kɔɔ̄ gə̄ aĺ ō.

2 YÁ̰A̰ GƏ̄ 10:11

Bɔbí na əndā njúkə kə́ kɔȳ dɔdə́ tə́, ba ḭ̄ na ā ə̄ndā nge kə́ kɔȳ tɔȳ dɔdə́ tə́ ɓáý to̰. Bɔbí na əndadə́ na i kə ndéy məraw kə́ karīí a ba ḭ̄ na ā ə́ndádə́ na i kə ndéy məraw kə́ kə gindīí ta tə́.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

2 YÁ̰A̰ GƏ̄ 36:20

De gə̄ ń teēn̄ ta yo kaskar tə́ ní, mban̄g kə́ Babilon ɔydə́ aw̄ sedə́ Babilon. Nin̄ télən̄ ɓəlo yān gə̄ ō, yā ngánən gə̄ ō, yā ngán kaan gə̄ ō, bátə́ Persə gə̄ reē o̰o̰n̄neé ɓē.

ESDRAS 5:12

Banī kaadə́ gə̄ na rāān̄ adə̄ wōn̄g na rāā Nə́ɓā kə́ dɔ rā̰ tə́ adə̄ na əladə́ kem jī Kalde deē ń i Nabukodonosor mban̄g kə́ Babilon tə́ ní. Nabukodonosor na nujə kújə ngeé ń toō kɔ̄ɔ́ ō, na ɔy ngán Israel gə̄ aw̄ sedə́ Babilon ō.

NŌŌ RƆ̄ 4:16

Kɔ́ɔ̄ɓē teē kə̄ rɔ̄də́ tə́ anī, tə̄ndān̄ naā tḭ̄ḭ̄n̄ loo gə̄ tə́. Ni gḛy ka̰a̰də́ to̰ alé. Tɔdɔ̄ de gə̄ ɓōlə́n̄ ndíĺ ngé tun̄ yá̰a̰ gə̄ aĺ ō, rɔyn̄ kum kɔɔ̄ gə̄ aĺ ō.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?