IJAI 47:5 - Bibəl ta Sar̄

⁵ Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

Bible sar

⁵ Ɓē yā *Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

IJAI 47:5 Referans Kwoze

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

IJAI 47:7

Ḭ̄ ə́da na ā ī-ndi kə kumií ngándáńg, na ā ī-ndi mban̄g kə́ dəyá̰ kə́ njɔ́ḿ gə̄ tə́. Ḭ̄ ī-gír̄ yá̰a̰ dɔ yá̰a̰ gə̄ ń toō tə́ alé, ḭ̄ ī-gír̄ dɔ ndɔ̄ kə́ bírí tə́ alé.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

JEJU TEĒ KUM JA̰A̰ 17:18

Ba dəyá̰ ń na m-á̰a̰ā̰ ní, na i ɓē kə́ bo ń o̰o̰ ɓē dɔ mban̄g kə́ dɔ nang tə́ gə̄ tə́ ní.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 25:10

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, kōō mbal̄ kusə yá̰a̰ ō, hor lámba ō gətóon̄ kɔ̄ɔ́ ɓēé loodə́.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

PĀ GƏ̄ 31:17

Á̰a̰m̄ mā nge kəla yāí kə kumií kə́ majaá, ájəm̄ tām̄ kem majə yāí tə́.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 23:2

Sḭḭ̄ ń ī-ndiī kadə bā tə́ ní, ī-ndiī tasí mbóo. Sḭḭ̄ ngé rāā gātə̄ gə̄ kə́ Sidon ń ə́laī ngámbang kəla yāsí gə̄ dan bā boó ní, ī-ndiī tasí mbóo.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.