IJAI 47:4 - Bibəl ta Sar̄

⁴ Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

Bible sar

⁴ Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ *táĺ yā Israel.

IJAI 47:4 Referans Kwoze

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

JEREMI 31:11

Kɔ́ɔ̄ɓē gān̄g dɔ Jakob ō, ɔrə̄n jī de kə́ ngan̄g tɔȳn tə́ ō.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

PĀ GƏ̄ 19:14

Ɔ̄r̄ nge kəla yāí kɔ̄ɔ́ dan ngé kɔjə rɔ̄də́ gə̄ tə́. Ī-rāā ādə̄ asən̄ yá̰a̰ rɔ̄n tə́ alé. Ɓá anī najə̄ a gətóo dɔn tə́ ō, deē a ɓār̄ rī majaĺ kə́ ngá̰ý dɔn tə́ aĺ ō.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

IJAI 43:15

Mā i Kɔ́ɔ̄ɓē ō, Nə́ɓā yāsí kə́ táĺ nge kəndā Israel, mban̄g yāsí.

IJAI 51:15

Nə́ɓā yāí i mā Kɔ́ɔ̄ɓē. I mā n i nge pukə́tū bā bo ō, nge rāā kadə̄ kōō bəngál bā gə̄ ɓārə̄n̄ bu bu ō ní. Rīḿ mā i Kɔ́ɔ̄ɓē kə́ bo kə́ tɔ́gən i ngá̰ý.