IJAI 47:3 - Bibəl ta Sar̄

³ De gə̄ a a̰ā̰n̄ rɔ̄ karī yāí, a a̰a̰n̄ yá̰á̰ ń rāāī adə̄ rɔ̄í sɔlī ní. M-ā m̄-dal ba̰ā̰ rɔ̄ḿ ō, de kə́ yā kɔgə̄m̄ a gətóo ō.

Bible sar

³ De gə̄ a a̰ā̰n̄ rɔ̄ karī yāí, a a̰a̰n̄ yá̰á̰ ń rāāī adə̄ rɔ̄í sɔlī ní. M-ā m̄-dal ba̰ā̰ rɔ̄ḿ ō, de kə́ yā kɔgə̄m̄ a gətóo ō.

IJAI 47:3 Referans Kwoze

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

EJEKIEL 16:37

Tām̄ najə̄ ń toō tə́ ní, ngé sāāí gə̄ malang ń nel̄də́ seí adə̄ i ngé gə̄ ń nelī sedə́ ō, ngé gə̄ ń nelī sedə́ aĺ ō ní, m-ā m-ɔ́sə dɔdə́ naā tə́ malang. M-ā m-ɔ́ýdə́ kə̄ loo gə̄ tə́ malang yā reē sedə́, ba m-ā m-ɔ̄r̄ kūbə̄ rɔ̄í tə́ ta kumdə́ tə́, kadə̄ nin̄ a a̰a̰n̄ rɔ̄í kə́ karī.

JEREMI 51:56

A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

JEREMI 51:4

Ādə̄ ngé gə̄ ń əngen̄ do kə́ asə yodə́ ní, tə́sōn̄ kem ɓē yā Kalde gə̄ tə́ ō, ngé gə̄ ń tɔ́sə̄n̄də́ kə nəngaá ní, tə́sōn̄ kum kə̄lá róbə gə̄ kə́ Babilon tə́ ō.

JEREMI 13:26

Tām̄ ń toō tə́ ní, mā m-ā m̄-sa̰ā̰ kūbə̄ kə́ ta gírí tə́ kə̄ dɔɔ́ kadə̄ de gə̄ a̰ā̰n̄ gírí.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

TA KƏLA 3:7

Nin̄ jōó mbak kumdə́ teē adə̄ gerə̄n̄ kadə̄ gíŕdə́ i karī, ɓáa anī urə̄n̄ mbī kótə̄ do̰ō̰n̄ gíŕdə́ tə́.

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.