IJAI 47:2 - Bibəl ta Sar̄

² Ɔ́y mbal̄ kusə yá̰a̰ gə̄, úsəń kōō ī-rāā ndujə̄ tə́ ə̄ndā dɔ jīí. Kūbə̄ ń ī-seĺ ta kumií tə́ ní ɔ̄r̄ kɔ̄ɔ́, ī-sa̰ā̰ kūbə̄ rópə yāí kə̄ dɔɔ́, ba ī-teē man̄ kə kāsə̄ njaí kə́ kūbə̄ utə̄ gidə alé.

Bible sar

² Ɔ́y mbal̄ kusə yá̰a̰ gə̄, úsəń kōō ī-rāā ndujə̄ tə́ ə̄ndā dɔ jīí. Kūbə̄ ń ī-seĺ ta kumií tə́ ní ɔ̄r̄ kɔ̄ɔ́, ī-sa̰ā̰ kūbə̄ rópə yāí kə̄ dɔɔ́, ba ī-teē man̄ kə kāsə̄ njaí kə́ kūbə̄ utə̄ gidə alé.

IJAI 47:2 Referans Kwoze

MATIYE 24:41

Ré dəyá̰ gə̄ jōó ra a usən̄ kōō kə mbal̄ kusə yá̰á̰ anī, a unən̄ kógə̄ḿ ba a əya̰n̄ madə̄n kɔ̄ɔ́.

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

NGÉ SARYA 16:21

Pilistin gə̄ əhɔn̄ Samso̰ ba tɔ́sə̄n̄ kuməngə̄ tɔ̄ɔ̄n̄. Nin̄ aw̄n̄ seneé kem ɓē kə́ Gaja tə́, tṵ́ṵ̄nən̄ kə súl gində̄ nə̄ngá kasə kə́ kəga gidə naā tə́ jōó ba əndānən̄ ta kəla kusə ndujə̄ gémé tə́ kújə dəngáyá.

Teē Ngán Israel gə̄ 11:5

adə̄ ngán hágə́ kə́ gō nang kə́ Ejiptə tə́ gə̄ na a oyn̄ malang. A əla gír na i dɔ hágə Parao̰ ń kadə̄ ndi dɔ kōr̄ kāgə̄ mbang tə́ ní, bátə́ kadə̄ ugə̄ń dɔ hágə nge rāā kəla kə́ dəyá̰ ń ra ta mbal̄ riī yá̰á̰ tə́ ní ō, hágə́ yá̰a̰ kul̄ gə̄ tə́ malang ō.

Najə̄ kə́ Majə yā Jeju ń Luk ndang ní 17:35

Ré de kə́ dəyá̰ gə̄ jōó ra a urən̄ yá̰a̰ anī, a unən̄ nge kógə̄ḿ ba əya̰n̄ nge kə́rēý.

Makətūbə̄ yā Job 31:10

ādə̄ nə̄yá̰ḿ ur yá̰a̰ adə̄ de kə́ rang ō, ādə̄ de kə́ rang gə̄ ɓīīn̄ seneé ō.

MISE 1:11

Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

NŌŌ RƆ̄ 5:13

Balsáa gə̄ ətōn̄ mbal̄ riī yá̰a̰ ō, ngán gə̄ bḭ́ḭ̄n̄ kə kāgə̄ kə́ kɔȳ ngá̰ý gə̄ dɔdə́ tə́ ō.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 13:26

Tām̄ ń toō tə́ ní, mā m-ā m̄-sa̰ā̰ kūbə̄ kə́ ta gírí tə́ kə̄ dɔɔ́ kadə̄ de gə̄ a̰ā̰n̄ gírí.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

IJAI 32:11

Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ī-ndewiī! Sḭḭ̄ ń ī-taāī kem rɔ̄sí mámák ní, ī-ndiī kə sōlōó! Ī-ró̰yī kūbə̄ gə̄ rɔ̄sí tə́ kɔ̄ɔ́, ɔ̄rī kūbə̄ yāsí gə̄ kɔ̄ɔ́ ba ə́lāī kūbə̄ kəhɔ ndoō rɔ̄sí tə́.

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

TA KƏLA 24:65

ba dəje nge kəla yā Abəraham na ké deē ń a tə́nī tadə́ noō ké i náā wa. Nge kəla ní tél ədan na i kɔ́ɔ̄n. Kə̄ ta jī gə̄ tə́ noō, Rebeka un kūbə̄ seĺ ta kumən tə́ kɔ̄ɔ́.

1 KORḚNTƏ 11:5

Ba dəyá̰ ń ɔr̄ najə̄ kə Nə́ɓāá, aláa əda najə̄ kə́ Nə́ɓā əndā tan tə́ ba seĺ kūbə̄ dɔn tə́ aĺ ní, əla i rɔ̄sɔl̄ dɔ de kə́ dɔn tə́ tə́ ō. Tɔdɔ̄ to tītə̄ kə́ ni-dəsā i dɔn kɔ̄ɔ́ beē.

KOHELET 12:4

Loo ń noō tə́ ta róbə́ ń deē ra tū tə́ anī, a a̰a̰ loo kə̄ róbə kɔsɔɔ́ ní, i kə́ kutə̄ kɔ̄ɔ́ ō, deē ur goy to̰ aĺ ō. Yel̄ ənī pā to̰ aĺ ō, pā gə̄ malang dəban̄ ō.

IJAI 3:23

kútəram gə̄ ō, kūbə̄ lḛ́ḛ́ kə́ hɔɔ́lɔ̄ kə́ yā kəla rɔ̄ tə́ pá tá kəla kūbə̄ madə̄ gə̄ dɔ tə́ gə̄ ō, ta kūbə̄ kə́ yā ɓír̄ míndə́ tə́ gə̄ ō, ta kūbə̄ kə́ bo kə́ yā kənī dɔ bɔ̄gə̄ tə́ gə̄ ō.

JEREMI 25:10

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, kōō mbal̄ kusə yá̰a̰ ō, hor lámba ō gətóon̄ kɔ̄ɔ́ ɓēé loodə́.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.