IJAI 47:13 - Bibəl ta Sar̄

¹³ Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

Bible sar

¹³ Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

IJAI 47:13 Referans Kwoze

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

EJEKIEL 24:12

Banī yá̰a̰ malang ń noō rāā yá̰á̰ kógə̄ḿ alé. Kārā malang ń rosə kem ní, aw̄ kum hor tə́ kɔ̄ɔ́ alé.

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

IJAI 57:10

Ḭ̄ ī-ngatə́rā ngá̰ý, banī ngatə́rā yāí ní rāā adə̄ kɔr rāāī. Banī ḭ̄ ə́da najə̄ ń toō alé: I yá̰á̰ kə́ kanjə̄ kumən! Ḭ̄ ī-téĺ ə́ngé tɔ́gə gogə́ rang, loo ń noō tə́ kɔr ń rāāī ní ḭ̄ ī-tetən rɔ̄ɔ̄.

HABAKUK 2:13

I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ Babilon.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

IJAI 47:9

I beé ní, yá̰á̰ kə́ to kum kaȳ aĺ kə́ gír jōó gə̄ ń toō a teēn̄ dɔí tə́ i gidə kógə̄ḿ. Kem ndɔ̄ kə́ kógə̄ḿ beē tə́ ní, ā ī-tḭ̄ḭ̄ ta ngání gə̄ ō, ā ī-tél dəyá̰ kə́ ngaa koy ō. Yá̰a̰ malang ń ngé kəga gə̄ rāān̄ ní ō, yá̰a̰ malang ń ngé mbōlí gə̄ rāān̄ ō ní, a asən̄ kɔgə̄ yá̰á̰ ń noō rāā yá̰a̰ alé.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.