IJAI 47:12 - Bibəl ta Sar̄

¹² I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

Bible sar

¹² I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

IJAI 47:12 Referans Kwoze

NAHUM 3:4

Ninibə rāā ájə́ba nja dūbú ngá̰ý. Kété ní, ni mandə ō, nel̄ de gə̄ seneé ngá̰ý ō. Ni un majə ń rɔ̄n majə deē ní rāań yá̰a̰ tītə̄ nge rāā mbōlí kə́ dəyá̰ beé. Ni-rāā nápar de kə́ ngá̰ý gə̄ ɓəlo tə́ kə rāā ájə́ba yānneé ō, kə majə ń rɔ̄n majə deē ní ō.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

IJAI 19:3

Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

Teē Ngán Israel gə̄ 9:11

Ngé kəga kə́ Ejiptə gə̄ asən̄ ra no Moijə tə́ alé tām̄ ngaw kə́ əɓadə́ tə́, tɔdɔ̄ ngaw əɓadə́ nin̄ kɔ́ gə̄ ō, de kə́ Ejiptə gə̄ ō malang.

Teē Ngán Israel gə̄ 7:11

Ɓáa Parao̰ ɓāŕ ngé kum kedə̄ gə̄ kə ngé bógə̄rō de gə̄ kə́ Ejiptə tə́ adə̄ reē rāān̄ tītə̄ ń noō ō, kə kəga yādə́ gēé.

JEJU TEĒ KUM JA̰A̰ 9:21

Nin̄-ndə̄ngān̄ rɔ̄də́ tām̄ tɔ̄l̄ ń nin̄-tɔ̄lə̄n̄ de gə̄ tə́ ní aĺ ō, tām̄ rāā kəga yādə́ gə̄ tə́ aĺ ō, tām̄ sāā naā loo kaya tə́ yādə́ gə̄ tə́ aĺ ō, tām̄ ɓogə yādə́ gə̄ tə́ aĺ ō.

PĀ GƏ̄ 129:1

Pā kə́ yā kaw̄ń kə̄ loo kə́ táĺ tə́. Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý, əlan̄ gír rāā kumḿ ndoō tə́ i dan ń dɔḿ dūúnń ɓáý ní. Ādə̄ Israel gə̄ malang ədan̄ ɓáý!

DANIEL 2:2

Anī mban̄g əda kadə̄ ɓārə́n̄ mbōlí gə̄ ō, ngé tə̄ɓā ndíĺ kə́ majaĺ gə̄ ō, ngé kəga gə̄ ō, kɔsə̄ sāā gə̄ ō, kadə̄ reē ɔjənən̄ kum nī ń rāān ní. Nin̄ reēn̄ ran̄ non tə́,

DANIEL 5:15

Reēn̄ kə ngé kum kedə̄ gə̄ ō, ngé bógə̄rō de gə̄ ō, rɔ̄ḿ tə́ kadə̄ tə́dan̄ yá̰á̰ ń ndangən̄ toó ō, ɔjəmən̄ kum ō, banī dum̄də́ kɔ̄ɔ́.

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

TƏ́DA 22:25

Dan ń kó̰o̰ kərō a̰a̰ nge kaw̄ kəla yā Kɔ́ɔ̄ɓē anī, ɔr kə gō kadə ndogə̄ mbalá, adə̄ mbal̄ usə nja Balam. Anī Balam əndan ɓáý to̰.

EJEKIEL 21:26

Mban̄g kə́ Babilon a dəba ta gajə róbə́ tə́, ta róbə́ kə́ jōó gə̄ ní tə́ yā túgəń wə̄lā yā gerə̄ń yá̰á̰ kə́ ɔjə dɔn. Ni yéȳ kum gərā gə̄ ō, yá̰á̰ kə́ dūú gə̄ ń tɔ́sə̄n̄ kum gotə yá̰a̰ gə̄ ní, ni dəjedə́ najə̄ ō, ni-əndā ma̰ȳ wur dā̰ gə̄ ō.

DANIEL 2:11

Yá̰á̰ ń mban̄g na dəje ní na i yá̰á̰ kə́ ngan̄g ngá̰ý, adə̄ de kə́ asə kɔjən na gətóo, ré na i nə́ɓā gə̄ ń loo ndidə́ i kə de ndul gēé aĺ ní ta na asən̄.