IJAI 47:11 - Bibəl ta Sar̄

¹¹ Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.

Bible sar

¹¹ Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.

IJAI 47:11 Referans Kwoze

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

JEJU TEĒ KUM JA̰A̰ 3:3

Loo koō najə̄ ń ōō ō, loo taā ń ī-taā ō ní, ādə̄ əga kemií dɔ tə́. Ī-ngɔ̄m̄ najə̄ ní ba ī-tūr̄ hálí. Ré ī-ndi dɔ rɔ̄í tə́ aĺ anī, m-ā m̄-reē tītə̄ nge ɓogə beé, kanjə̄ kadə̄ ā ī-ger̄ kum mbang ń m-ā m̄-reē yā kəhɔīneé dɔ jīí tə́ ní.

Najə̄ kə́ Majə yā Jeju ń Luk ndang ní 12:59

M-ə́daī najə̄ kə́ rɔ̄kum, ré na̰yń i kɔ̄kə̄rɔ̄ kógə̄ḿ gə̄gē anī ā ə̄gā kə̄rān pá tá ā ī-teē loo ń noō tə́ ɓáý.

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

NEHEMI 4:11

Ngé kəndā ndogə̄ mbal̄ gə̄ ō, ngé kətō yá̰a̰ gə̄ ō, ngé kɔy yá̰a̰ kə̄ dɔɔ́ gə̄ ō, a rāān̄ kəla i kə jīdə́ kə́ kógə̄ḿ, banī jīdə́ kə́rēý a əhɔ i yá̰a̰ rɔ̄ɔ̄.

MATIYE 18:34

Wōn̄g rāā kɔ́ɔ̄n seneé ngá̰ý, adə̄ əlan dəngáyá kadə̄ rāānən̄ yá̰á̰ kə́ tōr̄ kə̄ dɔɔ́ yā ngóoń kadə̄ əgā kə̄rā kə́ dɔn tə́ ní malang.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

Najə̄ kə́ Majə yā Jeju ń Luk ndang ní 17:27

De gə̄ əsan̄ yá̰a̰ ō, a̰ȳn̄ ō, táān̄ naā ō, bátə́ kadə̄ ugə̄ń ndɔ̄ ń Noe udəń kem to bo tə́ á man̄ kaw̄ tɔ̄l̄ńdə́ malang kɔ̄ɔ́ ní.

PĀ GƏ̄ 35:8

Ādə̄ yá̰á̰ kə́ majaĺ ngá̰ý kógə̄ḿ kə́ rāā yá̰á̰ jóo aĺ ɓáý teē rétə́ kə̄ rɔ̄də́ tə́. Ādə̄ gūmbə̄ ń nin̄ kɔ́ gə̄ əyān̄ ní tél əhɔdə́ ō, ādə̄ yá̰á̰ kə́ majaĺ ń noō tɔ̄l̄də́ ō.

PĀ GƏ̄ 55:15

Kété ní j-ɔr̄ najə̄ kə́ kemjí gə̄ tə́ kə naá kə míndə́ kə́ majaá ō, j-un njají i kə gō naá majə kem kújə yā Nə́ɓā tə́ ō.

PĀ GƏ̄ 73:19

Nin̄ nujən̄ sák sák i láẃ ngá̰ý! I nin̄ n gír yādə́ gān̄g kɔ̄ɔ́ ɓá toō, ɓōĺ kə́ ngá̰ý tɔ̄l̄də́ malang kɔ̄ɔ́.

Gōsə̄ najə̄ gə̄ 13:21

Yá̰á̰ kə́ majaĺ un gō ngé rāā yá̰a̰ majaĺ gə̄, banī yá̰á̰ kə́ majə i yá̰a̰ kəndā nja yā de kə́ súmūú gə̄.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 30:13

I beé ní, yá̰á̰ kə́ gōtə́ aĺ ń toō a to i tītə̄ loo kə́ njar tū ndogə̄ mbal̄ kə́ bo tə́ beé tām̄ yāsí tə́. Loo agə̄ gul tū ndogə̄ mbal̄ tə́ ō, kə̄ ta jī tə́ noō ndogə̄ mbal̄ teē əsō ō.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

IJAI 47:9

I beé ní, yá̰á̰ kə́ to kum kaȳ aĺ kə́ gír jōó gə̄ ń toō a teēn̄ dɔí tə́ i gidə kógə̄ḿ. Kem ndɔ̄ kə́ kógə̄ḿ beē tə́ ní, ā ī-tḭ̄ḭ̄ ta ngání gə̄ ō, ā ī-tél dəyá̰ kə́ ngaa koy ō. Yá̰a̰ malang ń ngé kəga gə̄ rāān̄ ní ō, yá̰a̰ malang ń ngé mbōlí gə̄ rāān̄ ō ní, a asən̄ kɔgə̄ yá̰á̰ ń noō rāā yá̰a̰ alé.

IJAI 48:8

Sḭḭ̄ ōōī alé, sḭḭ̄ ī-gerī yá̰á̰ kógə̄ḿ alé. Əla gír i jóó ngá̰ý n sḭḭ̄ ə̄ndāiń kumsí gíŕ yá̰á̰ tə́ to̰ aĺ ní. m̄-ger̄, sḭḭ̄ i ngé tél kɔ̄ɔ́ gō de gə̄ tə́ gə̄ ō, a ɓārə́n̄sí na i ngé kəsō wōn̄g gə̄ kə́ əlan̄ gír kəsō wōn̄g i ndɔ̄ kojədə́ tə́ ō.

IJAI 57:1

Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

JEREMI 51:8

Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

JEREMI 51:43

Ɓē yān gə̄ télən̄ i loo kə́ to kum ko̰ gə̄ ō, i loo gə̄ kə́ man̄ əhɔ laa tū tə́ ō, kə̄sā gə̄ i tū tə́ ō, deē ndi tū tə́ aĺ ō, deē mān̄ tū tə́ aĺ ō.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.