IJAI 46:7 - Bibəl ta Sar̄

⁷ Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

Bible sar

⁷ Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

IJAI 46:7 Referans Kwoze

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

JEREMI 10:5

Ɓesə̄ gə̄ ní ran̄ tītə̄ ndíĺ yá̰á̰ kə́ kudə kem ndɔr̄ kosə́ gə̄ tə́ beē. Ɔrə̄n̄ najə̄ aĺ ō. A ətōn̄də́ i mbéé tá ō. Rɔ̄kum, a ətōn̄də́ i mbée tɔdɔ̄ asən̄ njə̄rā alé. Ī-lōōī ɓōĺdə́ na a rāān̄ yá̰a̰ sesí aĺ ō, asən̄ rāā yá̰á̰ kə́ majə sḛ́ý tām̄ yāsí tə́ aĺ ō.

IJAI 46:1

Nə́ɓā Bel rugə ngung, nə́ɓā Nebo teē əsō. Tə́ndān̄ yá̰a̰ gə̄ ń tɔ́sə̄n̄ kum gotədə́ ní dɔ man̄g kə́ bəra gə̄ tə́. Kété jóó ní a əhɔn̄də́ i kə̄ dɔɔ́ ngá̰ý loo rāā yá̰a̰ kūjə́ gə̄ tə́. Ngɔlaā ní, nin̄ i yá̰a̰ kətō kə́ ɔȳ gə̄ tām̄ yā dā̰ gə̄ ń tɔ́gə́də́ təgā kɔ̄ɔ́ tə́ ní.

JONAS 1:5

Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.

DANIEL 3:1

Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ Babilon tə́.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

1 MBAN̄G GƏ̄ 18:40

Eli ədadə́ na: Əhɔī ngé koō ta yā Baal gə̄, ī-lōōī kəya̰ deē kógə̄ḿ dandə́ tə́ kadə̄ teē a̰ȳ! Anī əhɔn̄də́. Eli aw̄ sedə́ kem gúŕ ń man̄ Kison a nūgə́ tū tə́ ní tə́ ba əja kɔ́də́ loo ń noō tə́.

1 MBAN̄G GƏ̄ 18:26

Nin̄ taān̄ man̄g kə́ bəra ń adə̄n̄də́ ní tɔ̄lə̄n̄ ba góriyōn̄ dā̰n ɓōkə́n̄ dɔ kīr̄ tə́ yā tun̄, ba ɓārə́n̄ Baal. Əlan̄ gír ɓārə́n dəloí bátə́ mbang ugə̄ dan ɓēé. Nin̄-ɓāŕnən̄ ədan̄ na: Baal, ī-ndigəjí! Banī deē oō ndū deē aĺ ō, deē ndigə ɓār̄ ní aĺ ō. Nin̄ ndāmə̄n̄ gīrə̄n̄neé gidə loo tun̄ yá̰á̰ ń rāān̄ ní.

1 SAMUEL 5:3

Teē kə kōŕneé, dan ń Asdod gə̄ reēn̄ kem kújə yā Dagon tə́ kə gír looí ɓatə anī, Dagon i kə́ əsō sébə kumən nang tə́ no sandúkə yā Kɔ́ɔ̄ɓē tə́. Unən̄ Dagon dɔɔ́ ba əndānən̄ gotən tə́.

IJAI 37:38

Ndɔ̄ kógə̄ḿ tə́ ni-ra a ndɔ̄ȳ kem kújə yā Nisrok ń i nə́ɓā yān ní tə́, anī ngánən kə́ dəngam gə̄ jōó, Adəramelek nin̄ kə Sareser, tɔ̄l̄nən̄ ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní, ndi mban̄g gotən tə́.

1 KORḚNTƏ 12:2

Ī-gerī kadə̄ dan ń sḭḭ̄ ī-taāī kem Nə́ɓā aĺ ɓáý ní, sḭḭ̄ āwī gō ɓesə̄ gə̄ ń nin̄ a ɔrə̄n̄ najə̄ aĺ tə́ ní, tītə̄ kə́ i yá̰á̰ kógə̄ḿ n ɔsə sesí kadə̄ āwī gōdə́ tə́ beē.

IJAI 40:20

Deē ń ndoō ngá̰ý adə̄ ni asə kadə̄ yá̰a̰ ndējə̄ kə́ beé aĺ ní, ni gə̄rā i kāgə̄ kə́ a ur ruú alé. Gō tə́ anī ni sāā kɔdə̄ kə́ majə kə́ asə tɔ́sə̄ yá̰á̰ kógə̄ḿ kə́ ra dɔɔ́.

IJAI 41:7

Nge tɔ́sə̄ yá̰a̰ əla go̰ kem nge rāā kəla kə lɔ́rɔ́ tə́ ō, kə gində̄ arjā̰a̰á̰ tə́ ō. Nge kənda gində̄ kə mō̰ó̰ kadə̄ laa əla go̰ kem kɔdə̄ tə́. Ni-əda najə̄ kə́ dɔ kəla yān tə́ na: Majə. Gō tə́ anī tɔ̄lə̄n̄ ta yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ kógə̄ḿ kə ta kūl̄ kəndan kə máyá̰ kadə̄ ra gotə kógə̄ḿ.

IJAI 41:28

M-á̰a̰ loo ngá̰ý, banī m-á̰a̰ deē kógə̄ḿ alé. Dan nə́ɓā gə̄ yā gotə gír de kə́ rang gə̄ tə́ ní, nə́ɓā kógə̄ḿ kə́ əda gír̄ yān kə́ dɔ tə́ gətóo! De kə́ yā kadə̄ deē aw̄ oō kə́ tan tə́ gətóo, de kə́ asə tūrə̄m̄ najə̄ tə́ gətóo!

IJAI 44:12

Kɔdə̄ rāā ta waĺ kə́ ənī dɔ yā̰l̄ hor kə́ ajə ying tə́ adə̄ atə. Ni ənda waĺ ní kə mō̰ó̰ kə ta kūl̄ tɔ́gə jīneé. Ba dan ń ɓō rāān anī, tɔ́gən gətóo kɔ̄ɔ́. Ré ni a̰ȳ man̄ aĺ anī, kɔr rāān.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

1 MBAN̄G GƏ̄ 18:29

Ba dan ń mbang əja rɔ̄n sḛ́ý ní a, ndewn̄ ngangan loo ɓāŕ Baal tə́. Nin̄-ɓāŕnən̄ kə rɔ̄ ndebeé bátə́ ugə̄ kum mbang ndējə̄ yá̰á̰ kə́ loo sɔlí. Banī deē oō ndū deē aĺ ō, deē ndigə ɓār̄ ní aĺ ō, yá̰á̰ kə́ rāā yá̰á̰ sḛ́ý gətóo ō.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

JEREMI 11:12

Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.