IJAI 46:4 - Bibəl ta Sar̄

⁴ M-ā m̄-to i kum gotəḿ bátə́ ɓə́gásí tə́. M-ā m-ə̄tōsí bátə́ kadə̄ nənga dɔsí ndaań. I mā n m̄-rāāsí ní, i mā n m-ā m-ə̄tōsí ní. A̰á̰ā̰, m-ā m-á̰a̰ gōsí ō, m-ā m-ájə́sí ō.

Bible sar

⁴ M-ā m̄-to i kum gotəḿ bátə́ ɓə́gásí tə́. M-ā m-ə̄tōsí bátə́ kadə̄ nənga dɔsí ndaań. I mā n m̄-rāāsí ní, i mā n m-ā m-ə̄tōsí ní. A̰á̰ā̰, m-ā m-á̰a̰ gōsí ō, m-ā m-ájə́sí ō.

IJAI 46:4 Referans Kwoze

PĀ GƏ̄ 71:18

Ngɔlaā ń dɔḿ ndaa toō ní, Nə́ɓā, ī-lōō kəya̰m̄ kɔ̄ɔ́. Loo ń noō tə́ m-ā m-ásə kɔjə balsáa gə̄ ō, ngé gə̄ ń a utə̄n̄ gōdə́ ní ō, kəla rāāí gə̄ ō tɔ́gí ō.

PĀ GƏ̄ 48:14

Á̰a̰ī ndogə̄ mbal̄ kə́ gidə tə́ gə̄ majə. Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī, kadə̄ ə́daīneé ngé kə́ ndɔ̄ń tə́ gə̄ gotə.

HEBƏRO 13:8

Jeju Kərist to i kum gotən, tagə́bēé ō, ɓōólaā ō, ni a to i kum gotən ngándáńg ō.

PĀ GƏ̄ 92:14

Ni i kāgə̄ kə́ deē əhɔn ɓē yā Kɔ́ɔ̄ɓē tə́. Ni hútə̄ ndágə loo kə́ gīr̄ gidə kújə yā Kɔ́ɔ̄ɓē Nə́ɓā yājí tə́.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

HEBƏRO 1:12

Ā ī-ɓír̄də́ tītə̄ loo ɓír̄ kūbə̄ kūl̄ beé ō, a tūrə̄n̄də́ kɔ̄ɔ́ tītə̄ kūbə̄ ō, ba ḭ̄ ī-ndi tītə̄ kə́ kété ngándáńg ō, ɓālīí gə̄ a təgān̄ aĺ bátə́ ō.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 41:4

Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

IJAI 43:13

A̰á̰ā̰, mā i ni ta kəla gíŕ tə́ nú ō, de kə́ asə taā deē jīḿ tə́ gətóo ō. Dan ń m̄-rāā yá̰á̰ kógə̄ḿ anī, de kə́ asə tūr̄ yá̰á̰ ní gətóo.

MALASI 2:16

Tɔdɔ̄ yá̰á̰ ń Kɔ́ɔ̄ɓē Nə́ɓā yā Israel əda ní n i toó: Ré deē kógə̄ḿ tə̄ɓā nə̄yá̰n, tām̄ nelə̄n seneé aĺ ngá̰ý anī, ni-rāā yá̰a̰ i kə dɔ́nɔ́, adə̄ najə̄ i dɔn tə́. I Kɔ́ɔ̄ɓē kə́ bo kə́ tɔ́gən i ngá̰ý n ɔr̄ najə̄ toó. I beé ní, á̰a̰ī rɔ̄sí sḭḭ̄ kɔ́ gə̄ majə! Míndə́sí ń ə̄nī ní, ī-lōōī téĺ róbó gō tə́!

NDŪ NAJƏ̄ 1:31

tītə̄ ń rāań kem dəla loo tə́ ní ō. Kem dəla loo tə́ ní, sḭḭ̄ kɔ́ gə̄ á̰a̰ī kadə̄ Kɔ́ɔ̄ɓē Nə́ɓā yāsí ətōsí i tītə̄ ń deē a ətōń ngōnən ní. Ni-ətōsí dɔ róbə́ ń ī-njə̄rāī tū tə́ bátə́ ī-reē ūgīneé loo ń toō tə́ laā ní.

PĀ GƏ̄ 68:19

Kɔ́ɔ̄ɓē Nə́ɓā, ḭ̄ al̄ āw̄ loo kə́ dɔɔ́ tə́, ə́hɔ de gə̄ ɓəlo tə́ āw̄ sedə́. Ī-taā kadə̄ karī gə̄ jī de gə̄ tə́, dan ngé mbātə́ najə̄ gə̄ tə́ gə̄gē, yā kəngeń loo ndi!

PĀ GƏ̄ 71:9

Dan ń m̄-tɔgə ɓə́ga kɔ̄ɔ́ toō ī-lōō mbātə́m̄, ī-lōō kəya̰m̄ kɔ̄ɔ́ dan ń tɔ́gə́ḿ gətóó ní.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.