IJAI 46:12 - Bibəl ta Sar̄

¹² Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

Bible sar

¹² Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

IJAI 46:12 Referans Kwoze

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

PĀ GƏ̄ 119:150

Ngé rāā kumḿ ndoō tə́ ndāńg ndāńg gə̄ ń toō ndɔ́tə̄n̄ kə̄ rɔ̄ḿ tə́ ngɔr, nin̄ ɔrə̄n̄ rɔ̄də́ sa̰y rɔ̄ ndū najə̄ yāí tə́.

EPEJƏ 2:13

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə Kərist.

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

IJAI 28:23

Ī-teēī mbīsí ōōīń najə̄ yāḿ! Ə̄ndāī kumsí gír najə̄ kɔrə̄ḿ gə̄ tə́ majə!

PĀ GƏ̄ 119:155

Kajə ndetə kadə de kə́ sew aĺ gə̄ ngɔr alé. Tɔdɔ̄ nin̄ sāān̄ gō yá̰a̰ gə̄ ń ī-ndang kadə̄ yā rāā ní alé.

PĀ GƏ̄ 76:5

Nə́ɓā, ḭ̄ ī-to ɓōĺ ngá̰ý. Mbal̄ kə́ bo gə̄ ń ran̄ ngándáńg ní, ḭ̄ ī-bo ī-tɔȳdə́!

PĀ GƏ̄ 49:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 9:9

Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 28:14

I beé ní, sḭḭ̄ ngé mbóo kə de gēé gə̄, sḭḭ̄ ń i ngé kɔr no gír de kə́ Jerusalem gə̄ ń toō ní, ōōī najə̄ yā Kɔ́ɔ̄ɓē:

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

AMOS 5:7

Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

HABAKUK 1:3

Ḭ̄ ī-rāā ādə̄ m-á̰á̰ yá̰á̰ kə́ majaĺ i najə̄ rí tə́? Ḭ̄ á̰á̰ yá̰á̰ kə́ tōr̄ rɔ̄jí kanjə̄ rāā yá̰á̰ kógə̄ḿ i najə̄ rí tə́? Loo malang ń gīr̄ gidəḿ ní, de gə̄ a ɔyn̄ i yá̰a̰ yā de gə̄ dɔ gúú tə́ tū tə́ ō, a rāān̄ yá̰a̰ i kə dɔ́nɔ́ tū tə́ ō. De gə̄ a rāān̄ i sarya kə naá ō, a kɔ̄lə̄n̄ i naā ō ngóy.