IJAI 46:10 - Bibəl ta Sar̄

¹⁰ Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

Bible sar

¹⁰ Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

IJAI 46:10 Referans Kwoze

Gōsə̄ najə̄ gə̄ 19:21

Yá̰a̰ gə̄ ń deē núm̄ kemən tə́ yā rāā ní i ngá̰ý, banī i yá̰á̰ ń kem Kɔ́ɔ̄ɓē gḛy rāā ní ngóy n a udə gírí ní.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

IJAI 43:13

A̰á̰ā̰, mā i ni ta kəla gíŕ tə́ nú ō, de kə́ asə taā deē jīḿ tə́ gətóo ō. Dan ń m̄-rāā yá̰á̰ kógə̄ḿ anī, de kə́ asə tūr̄ yá̰á̰ ní gətóo.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

PĀ GƏ̄ 135:6

Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

KƏLA RĀĀ 5:39

Banī ré i yá̰a̰ yā Nə́ɓā anī, sḭḭ̄ ā ásiī nujəń alé. Ī-lōōī tél ngé rɔ̄ɔ̄ kə Nə́ɓāá gə̄! Ngé sarya gə̄ ndigən̄ najə̄ gō Gamaliyel tə́,

IJAI 44:7

I náā ń asə seḿ? Deē ń asə seḿ ní ādə̄ kɔ́ɔ̄ əga mbēr̄ dɔ tə́, ādə̄ kɔ́ɔ̄ əda ō, ɔjəm̄ adə̄ m̄-ger̄ kum ō! Ādə̄ ni-əda yá̰a̰ gə̄ ń rāān̄ yá̰a̰ dan ń m̄-rāań gír de gə̄ kə́ ta kəga dɔ ní ō, yá̰á̰ ń a rāā yā rāā yá̰á̰ ní, ādə̄ ni-əda kété ō.

IJAI 46:11

m̄-ɓāŕ deē kógə̄ḿ sa̰y ngá̰ý dām̄ kə́ gír ɓē tə́, deē ní ngan̄g tītə̄ kərō beé. Yá̰a̰ gə̄ ń m̄-núm̄ ní, i ni n a rāādə́ kadə̄ reē udən̄ gírí ní. Yá̰á̰ m-ə́dá ní, m̄-rāā yá̰á̰ ní. Yá̰á̰ ń m̄-núm̄ ní, m̄-rāā yá̰á̰ ní adə̄ udə gírí.

HEBƏRO 6:17

I tām̄ ń toō tə́ n Nə́ɓā ndigə kadə̄ ngé gə̄ ń a əngen̄ yá̰á̰ kə gō kənī míndən ní, gerə̄n̄ kum unjə̄ ngá̰ý, kadə̄ n-ā n-tūr̄ ndūn alé. I tām̄ najə̄ ń noō tə́ n ni-túbə̄ utə̄ń gō míndən kə́ ənī ní.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

KƏLA RĀĀ 3:23

Deē ń a oō najə̄ yā nge koō ta ngeé ń toō aĺ ní, a ɔr̄nən̄ kɔ̄ɔ́ dan gír de gə̄ yā Nə́ɓā tə́ yā tɔ̄lən.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 41:4

Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

OJEE 5:9

Ndɔ̄ ń m-ā m-ə́ndań de gə̄ kə́ gír ɓē yā Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

Makətūbə̄ yā Job 23:13

Banī ni i de kə́ gír̄ yān i kógə̄ḿ beē ngóy, i náā n asə rāā kadə̄ ni əya̰ gír̄ yān kɔ̄ɔ́ ní? Ni a rāā i yá̰á̰ ń kemən gḛy ní ngóy!

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 41:21

Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

EJEKIEL 39:8

A̰á̰ā̰, yá̰a̰ gə̄ ń noō a reēn̄, nin̄ əlan̄ gír rāā yá̰a̰ kɔ̄ɔ́ ɓá. I ndɔ̄ sarya ń m-ə́da najə̄n kété ní. I mā Kɔ́ɔ̄ɓē Nə́ɓā n m-ə́da najə̄ ń noō ní.