IJAI 46:1 - Bibəl ta Sar̄

¹ Nə́ɓā Bel rugə ngung, nə́ɓā Nebo teē əsō. Tə́ndān̄ yá̰a̰ gə̄ ń tɔ́sə̄n̄ kum gotədə́ ní dɔ man̄g kə́ bəra gə̄ tə́. Kété jóó ní a əhɔn̄də́ i kə̄ dɔɔ́ ngá̰ý loo rāā yá̰a̰ kūjə́ gə̄ tə́. Ngɔlaā ní, nin̄ i yá̰a̰ kətō kə́ ɔȳ gə̄ tām̄ yā dā̰ gə̄ ń tɔ́gə́də́ təgā kɔ̄ɔ́ tə́ ní.

Bible sar

¹ Nə́ɓā Bel rugə ngung, nə́ɓā Nebo teē əsō. Tə́ndān̄ yá̰a̰ gə̄ ń tɔ́sə̄n̄ kum gotədə́ ní dɔ man̄g kə́ bəra gə̄ tə́. Kété jóó ní a əhɔn̄də́ i kə̄ dɔɔ́ ngá̰ý loo rāā yá̰a̰ kūjə́ gə̄ tə́. Ngɔlaā ní, nin̄ i yá̰a̰ kətō kə́ ɔȳ gə̄ tām̄ yā dā̰ gə̄ ń tɔ́gə́də́ təgā kɔ̄ɔ́ tə́ ní.

IJAI 46:1 Referans Kwoze

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 51:52

I tāmə̄n̄ ń toō tə́ n m-ā m̄-nujə ɓesə̄ yān gə̄ kem ndɔ̄ gə̄ ń a reēn̄ tə́ noō ní. De gə̄ ń əngen̄ do kə́ asə yodə́ kem yān tə́ kə taá ní, a to̰ō̰n̄ rus rus.

JEREMI 51:47

Ká ré i beé gə̄gē anī, ndɔ̄ gə̄ a reēn̄ noó kadə̄ m-ā m̄-nujə ɓesə̄ gə̄ kə́ Babilon ō, rɔ̄ ɓē kə taá malang a sɔlən̄ najə̄ yá̰á̰ ní tə́ ō. Deē yān gə̄ malang ń əngen̄ do kə́ asə yodə́ ní, a tə́sōn̄ ndágə loo yān gə̄ tə́ ō.

JEREMI 10:5

Ɓesə̄ gə̄ ní ran̄ tītə̄ ndíĺ yá̰á̰ kə́ kudə kem ndɔr̄ kosə́ gə̄ tə́ beē. Ɔrə̄n̄ najə̄ aĺ ō. A ətōn̄də́ i mbéé tá ō. Rɔ̄kum, a ətōn̄də́ i mbée tɔdɔ̄ asən̄ njə̄rā alé. Ī-lōōī ɓōĺdə́ na a rāān̄ yá̰a̰ sesí aĺ ō, asən̄ rāā yá̰á̰ kə́ majə sḛ́ý tām̄ yāsí tə́ aĺ ō.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

1 SAMUEL 5:3

Teē kə kōŕneé, dan ń Asdod gə̄ reēn̄ kem kújə yā Dagon tə́ kə gír looí ɓatə anī, Dagon i kə́ əsō sébə kumən nang tə́ no sandúkə yā Kɔ́ɔ̄ɓē tə́. Unən̄ Dagon dɔɔ́ ba əndānən̄ gotən tə́.

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

MATIYE 23:4

Nin̄-tó̰ō̰n̄ yá̰a̰ kətō kə́ kɔȳ gə̄ tə́ndān̄ dɔ de gə̄ tə́, banī mbātə́n̄ kəla ta ngōn̄ jīdə́ nāań yá̰a̰ kətō gə̄ ní.

TƏ́DA 32:38

Nebo ō, Baal Meon ō, Sibəma ō gogə́ rang, ba tə́ndān̄ rī kə́ kijə gə̄ dɔ tə́.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

JEREMI 50:38

Ādī kaskar ɔdə kum man̄ yān gə̄ adə̄ iīn̄ kɔ̄ɔ́. Babilon i ɓē yā ɓesə̄ kə́ tɔ́sə̄ gə̄. I yá̰á̰ kə́ to yḛr kum gə̄ kə́ rāān̄ ngé rāā ɓesə̄ gə̄ ní adə̄ ɔrə̄n̄ najə̄ mbitə mbitə.

DANIEL 3:14

anī dəjedə́ na: Sadərak ō Mesak ō Abed Nego ō, ī-mbātíī rāā kəla kadə̄ nə́ɓā yāḿ gə̄ ō, ī-mbātíī rɔȳ yá̰á̰ kə́ tītə̄ deē ń m-údə́ ní ō rɔ̄kum a?

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

NAHUM 1:14

Yá̰á̰ ń Kɔ́ɔ̄ɓē gḛy rāā sesí sḭḭ̄ de kə́ Ninibə gə̄ ní n toó: Ngán gə̄ kə́ kadə̄ rīsí i dɔdə́ tə́ ní, sḭḭ̄ ā ə́ngeī to̰ alé. Ɓesə̄ kāgə̄, aláa ɓesə̄ gində̄ yāsí gə̄ ń ī-tɔ́sídə́ aláa ī-nōōīdə́ horoó, ba ī-tə́ndāīdə́ kem kújə yā nə́ɓā yāsí gə̄ tə́ ní, m-ā m̄-nujəń kɔ̄ɔ́. M-ə̄ndā dɔ bəlo yosí danaá, tām̄ sḭḭ̄ i yá̰á̰ kógə̄ḿ kə́ sáláńg alé.

Makətūbə̄ yā Job 39:11

Ā ə̄nī kemií mámák yā kadə̄n ō, ā ə́ya̰ kəla yāí jīn tə́ ō, tām̄ tɔ́gən kə́ ngá̰ý tə́ a?