IJAI 45:6 - Bibəl ta Sar̄

⁶ I beé ní, əla gíŕ gír ɓē tə́ bátə́ no ɓē tə́ ní, de gə̄ malang a gerə̄n̄ kadə̄ kanjə̄ḿ mā anī, yá̰á̰ kógə̄ḿ gətóo. Kɔ́ɔ̄ɓē i mā, Kɔ́ɔ̄ɓē kə́ rang gətóo.

Bible sar

⁶ I beé ní, əla gíŕ gír ɓē tə́ bátə́ no ɓē tə́ ní, de gə̄ malang a gerə̄n̄ kadə̄ kanjə̄ḿ mā anī, yá̰á̰ kógə̄ḿ gətóo. Kɔ́ɔ̄ɓē i mā, Kɔ́ɔ̄ɓē kə́ rang gətóo.

IJAI 45:6 Referans Kwoze

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

IJAI 45:5

Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

EJEKIEL 39:21

M-ā m-ɔ́jə́ nápar de gə̄ kɔsə gɔn yāḿ. Nin̄ malang a a̰a̰n̄ loo kun ń m-ā m-úń tɔ́gə́ḿ yā rāań yá̰á̰ ń m-ə́da m̄-gāngəń sarya ní.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.