IJAI 45:5 - Bibəl ta Sar̄

⁵ Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

Bible sar

⁵ Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

IJAI 45:5 Referans Kwoze

IJAI 46:9

Ādə̄ əga kemsí dɔ kum mbang kə́ mān̄ kɔ̄ɔ́ tə́, dɔ yá̰a̰ gə̄ ń rāān̄ yá̰á̰ kété tə́ ní. I mā n i Nə́ɓā ní ō, Nə́ɓā kə́ rang gətóo ō. Nə́ɓā kə́ tītə̄ḿ mā gətóo.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.

1 MBAN̄G GƏ̄ 8:60

I beé tá gír de kə́ dɔ nang tə́ gə̄ malang a gerə̄n̄ kadə̄ i Kɔ́ɔ̄ɓē ngóy n i Nə́ɓā ní ba nə́ɓā kə́ rang gətóo.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

Makətūbə̄ yā Job 12:21

Ni-rāā adə̄ kídə̄n̄ ngé gə̄ ń de gə̄ a rɔyn̄də́ ní ō, ɔr̄ tɔ́gə́ ngé rāā kum de gə̄ ndoō tə́ gə̄ ō.

PĀ GƏ̄ 18:39

m̄-rāādə́ rāā kə́ majaĺ ngá̰ý adə̄ tə́sōn̄ nang tə́ njaḿ tə́, asən̄ kḭḭ dɔɔ́ to̰ alé.

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

PĀ GƏ̄ 18:32

Ní i náā n i Nə́ɓā ní, i Kɔ́ɔ̄ɓē ngóy aĺ a? I náā n i mbal̄ ní, má i Nə́ɓā yājí ngóy aĺ a?

JA̰A̰ 1:1

Ta kəla gíŕ yá̰a̰ gə̄ tə́ malang ní, Najə̄ to noó kɔ̄ɔ́. Najə̄ ndin̄ i naā tə́ kə Nə́ɓāá ō, Najə̄ i Nə́ɓā ō.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

IJAI 22:21

M-ā m-ə́la kūbə̄ yāí rɔ̄n tə́ ō, m-ā m-ə́hɔ ɓōdə̄n kə ndāŕ kəhɔ ɓōdə̄ yāí ō, m-ā m-ādə̄n tɔ́gə yāí ō. Ni a tél bɔbə̄ de kə́ Jerusalem gə̄ ō, de kə́ kem ɓē ko̰o̰ yā Juda tə́ malang ō.

Makətūbə̄ yā Job 12:18

Ni-taā ko̰o̰ ɓē jī mban̄g gə̄ tə́ kɔ̄ɔ́, ba əla kūbə̄ dəngáy rɔ̄də́ tə́.

Teē Ngán Israel gə̄ 9:14

Ń toō na n-a n-rāā kadə̄ yá̰á̰ kə́ tōr̄ yān gə̄ malang a rāānən̄ nəkɔ́ Parao̰ ō, ngé kəla yān gə̄ ō, gír deē yān gə̄ ō, kadə̄ gerə̄ń na de kə́ tītə̄n ni Kɔ́ɔ̄ɓē na gətóo dɔ nang tə́ laā.

PĀ GƏ̄ 18:31

Róbə yā Nə́ɓā i róbə́ kə́ majə ɔtə̄ kə taá. Najə̄ kɔr̄ Kɔ́ɔ̄ɓē a rāā yá̰á̰ gáŕ. Ni i der yā de gə̄ malang ń a ɓɔ̄ɔ̄n̄ rɔ̄də́ rɔ̄n tə́ ní.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

IJAI 45:6

I beé ní, əla gíŕ gír ɓē tə́ bátə́ no ɓē tə́ ní, de gə̄ malang a gerə̄n̄ kadə̄ kanjə̄ḿ mā anī, yá̰á̰ kógə̄ḿ gətóo. Kɔ́ɔ̄ɓē i mā, Kɔ́ɔ̄ɓē kə́ rang gətóo.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.

PĀ GƏ̄ 18:33

I ni n adə̄m̄ tɔ́gə́ á m̄-rāań yá̰á̰ ní. Ni-rāā adə̄ kəla rāāḿ udə gírí majə.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.