IJAI 45:3 - Bibəl ta Sar̄

³ Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā Israel m̄-ɓāríī kə rīí.

Bible sar

³ Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā *Israel m̄-ɓāríī kə rīí.

IJAI 45:3 Referans Kwoze

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

Teē Ngán Israel gə̄ 33:12

Moijə əda Kɔ́ɔ̄ɓē na kə a̰a̰, na nəkɔ́ na ədan na kə n-ɔr no gír de gə̄ ń noō, ba na ɔjən kə deē ń na a əlan kadə̄ aw̄ seneé ní alé. Tá na i nəkɔ́ n na əda na n-gerə̄n ni Moijə ō, na n-rāā kem majə seneé ō ní.

Teē Ngán Israel gə̄ 33:17

Kɔ́ɔ̄ɓē tél ədan na n-a n-rāā yá̰á̰ ń na əda ngɔr toó, tɔdɔ̄ na n-rāā kem majə seneé ō, na n-gerə̄n kə rīneé ō.

JEREMI 50:37

Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.

JEREMI 51:53

Ká ré Babilon al̄ ndiń i dɔɔ́ dɔ rā̰ tə́, rāań loo kə́ ngan̄g utə̄ń gidən, adə̄ deē asə kugə̄ gōn tə́ aĺ gə̄gē anī, m-ā m-ə́lá ngé nujə loo gə̄ kadə̄ aw̄n̄ bátə́ ugə̄n̄ gōn tə́ yā nujə seneé. Najə̄ ń Kɔ́ɔ̄ɓē əda ní n noó.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

JEREMI 41:8

De gə̄ kutə dan de gə̄ ń Ismael a tɔ̄l̄də́ tə́ ní ədanən̄ na: Ī-tɔ̄l̄jí alé na jə-ɓɔ̄ɔ̄ sádə̄ mbā yājí gə̄ adə̄ i kōō gémē ō, kōō ɔ́rjə ō, yibə̄ ō, tejə ō kem ndɔrɔ́ noō. Anī Ismael loo gír tɔ̄l̄də́ tə́ kə ngákó̰ó̰də́ gēé.

IJAI 41:23

A̰á̰ā̰, yá̰á̰ a rāā yá̰á̰ ní ə́daījí. Loo ń noō tə́ j-a jə-ger̄ kadə̄ sḭḭ̄ i nə́ɓā gə̄. Ī-rāāī yá̰á̰ kə́ majə, aláa yá̰á̰ kə́ to kum kaȳ aĺ, banī ī-rāāī yá̰á̰ kə́rēý. I beé n j-a j-a̰a̰ ō, j-a jə-ɓōĺ gidəsí ō ní!

JEREMI 50:26

Ḭ́ḭī kə̄ ta ngóy dɔ nang gə̄ tə́ ba ī-reēī Babilon. Ī-téēī ta mō̰ȳ yān gə̄ ō, ɔ́yiī yá̰a̰ kənge yān gə̄ ī-kánī ādə̄ ra dɔ naā tə́ bing ō. Ī-nujiī ɓē sák sák kɔ̄ɔ́ ādī yá̰á̰ kógə̄ḿ na̰y alé.

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

2 YÁ̰A̰ GƏ̄ 6:17

Ní Kɔ́ɔ̄ɓē Nə́ɓā yā Israel, ī-rāā yá̰á̰ ń ə̄nī míndí yā rāā kadə̄ nge kəla yāí Dabid ní ngɔlaā!