IJAI 45:21 - Bibəl ta Sar̄

²¹ Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

Bible sar

²¹ Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

IJAI 45:21 Referans Kwoze

IJAI 45:5

Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

IJAI 43:9

Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 41:26

I náā n əda yá̰á̰ ń noō kété ta kəla gíŕ tə́ yā rāań kadə̄ jə-ger̄ ní? I náā n tāājí kété jóo yā kadə̄ j-ədań na: I najə̄ kə́ rɔ̄kum ní? De kə́ əda yá̰á̰ kógə̄ḿ kété gətóo, de kə́ teē tan gətóo, najə̄ kógə̄ḿ kə́ teē tasí tə́ gə̄gē deē oō alé!

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

PĀ GƏ̄ 26:7

yā kədaīń na m̄-ger̄ majə kə́ ī-rāā seḿ ō, yā kɔjəń gotə yá̰á̰ kə́ to kɔr kum gə̄ malang ń ī-rāā ní ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

IJAI 19:20

Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

JAKARI 14:7

Ngáńdáńg ní, loo a unjə̄ yáŕ yáŕ, ba i kum mbang kógə̄ḿ kə́ i Kɔ́ɔ̄ɓē ngóy n ger̄ tə́. Loo kə́ kadaá a gətóo ō, loo kə́ ndɔ̄ɔ́ a gətóo ō. Loo tíbí gə̄gē ní, loo a unjə̄ i kow.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.