IJAI 45:2 - Bibəl ta Sar̄

² Mə̄kɔ́ m-ā m̄-njə̄rā kété noí tə́, yá̰a̰ gə̄ ń dēsə́n̄ rɔ̄də́ noí tə́ ɔgīn̄ mān̄ ní, m-ā m̄-ró̰ȳdə́ kɔ̄ɔ́, ta róbə gə̄ ń rāān̄də́ kə gində̄ nə̄ngá kasaá ní, m-ā m̄-nujəń kɔ̄ɔ́, gində̄ gə̄ ń rákə̄nəń ta róbə gə̄ ní, m-ā m̄-tétə̄ kɔ̄ɔ́.

Bible sar

² Mə̄kɔ́ m-ā m̄-njə̄rā kété noí tə́, yá̰a̰ gə̄ ń dēsə́n̄ rɔ̄də́ noí tə́ ɔgīn̄ mān̄ ní, m-ā m̄-ró̰ȳdə́ kɔ̄ɔ́, ta róbə gə̄ ń rāān̄də́ kə gində̄ nə̄ngá kasaá ní, m-ā m̄-nujəń kɔ̄ɔ́, gində̄ gə̄ ń rákə̄nəń ta róbə gə̄ ní, m-ā m̄-tétə̄ kɔ̄ɔ́.

IJAI 45:2 Referans Kwoze

IJAI 40:4

Ī-ɓōkíī nán̄g ādī rosə kum wól loo gə̄ ō, ī-tə́gāī dɔ mbal̄ bo gə̄ kə ngán mbal̄ gə̄ ādə̄ tə́lən̄ kə̄ nang tə́ ō, ī-rāāī loo kə́ to kə naraá gə̄ ādə̄ télən̄ ndágə mbō gə̄ ō, ī-rāāī loo kə́ kḭḭ kə̄ dɔɔ́ gə̄ ādə̄ télən̄ wól loo gə̄ ō.

Najə̄ kə́ Majə yā Jeju ń Luk ndang ní 3:5

A utə̄n̄ kum gúr gə̄ malang ō, a tə́gān̄ dɔ mbal̄ bo gə̄ malang ō, dɔ ngán mbal̄ gə̄ malang ō, kadə̄ loo asə naā. Róbə́ kə́ rugə gɔ́lí gɔ́lí gə̄ ní, a rāā kadə̄ ra súmūú ō, róbə́ kə́ dūn̄ asə naā aĺ gə̄ ní, a jɔ̄r̄yɔ̄n̄ kadə̄ gidə asə naā ō.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

PĀ GƏ̄ 107:16

Tɔdɔ̄ ni tétə̄ ta róbə gə̄ kə́ rāān̄ kə gində̄ nə̄ngá kasaá gə̄ ō, tétə̄ gində̄ gə̄ ń rákə̄n̄neé ta róbə gə̄ ní kɔ̄ɔ́ ō.

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

IJAI 45:13

I mā n m̄-rāā kadə̄ dəngam ń noō ɔr̄ dɔɔ́ yā reē ní, i kə ta kūl̄ kun ndū kə́ gōtə́ ō, yá̰a̰ gə̄ ń dēsə́n̄ rɔ̄də́ non tə́ ɔgə̄nən̄ mān̄ ní, m-ā m̄-ró̰ȳdə́ kɔ̄ɔ́ ō. Jerusalem ń i ɓē yāḿ ní, i ni n i nge tél rāān gogə́ ní. De gə̄ yāḿ gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a rāā kadə̄ nin̄ tél reēn̄ gogə́. Nin̄ a əgān̄ yá̰á̰ kógə̄ḿ aĺ ō, a adə̄n̄ yá̰á̰ kógə̄ḿ aĺ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.

JEREMI 28:13

Āw̄ ə́da Hanania na: Najə̄ ń mā Kɔ́ɔ̄ɓē m-ə́dá ní n toó: Ī-tetə sáa kāgə̄ naā tə́ kɔ̄ɔ́ ɓá ní, ī-mbél̄ gíŕdə́ kə sáā gində̄ gēé.

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

NAHUM 3:13

Ngé rɔ̄ɔ̄ yāí gə̄ ton̄ i tītə̄ dəyá̰ gə̄ kə́ tɔ́gə́də́ gətóo beé. Ta róbə gə̄ kə́ yā kudəń kə̄ kem ɓē yāí tə́ gə̄ teē ran̄ i kə wōyōó no madə̄ ba̰ā̰í gə̄ tə́. Tɔdɔ̄ hor nujə kāgə̄ gə̄ kə́ yā rákəń tadə́ gə̄ kɔ̄ɔ́.

IJAI 13:2

Kɔ́ɔ̄ɓē əda na: Údiī dərapóo rɔ̄ɔ̄ dɔ mbal̄ kə́ ndágə doy karī tə́. Úriī kɔĺ ī-tāāīneé ngé rɔ̄ɔ̄ gə̄. Ī-wélī jīsí ādə̄ nin̄ udən̄neé kə ta róbə yā de kə́ bo kə́ kem ɓēé gēé.

DANIEL 8:4

M-á̰a̰ bal batə̄ ní ɔsə yá̰a̰ kə́ gajəneé kum kə̄ no ɓē tə́ ō, mbɔ́r ɓē kə́ ko̰ó̰ tə́ ō, mbɔ́r ɓē kə́ geleé tə́ ō. De kə́ rang kə́ asə dum tan gətóo ō, de kə́ asə taā yá̰a̰ jīn tə́ kəya̰ dɔɔ́ gətóo ō. Ni a rāā yá̰a̰ i tītə̄ ń kemən ndigə ní ō, a bo i mbéé kum kə̄ kété kété ō.