IJAI 45:16 - Bibəl ta Sar̄

¹⁶ Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

Bible sar

¹⁶ Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

IJAI 45:16 Referans Kwoze

IJAI 44:11

De gə̄ malang ń əhɔn̄ gō yá̰á̰ kə́ tɔ́sə̄ adə̄ ngan̄g ní, əlan̄ i rɔ̄sɔl̄ kə́ ngá̰ý dɔ rɔ̄də́ nin̄ kɔ́ gə̄ tə́. Kɔdə̄ ngé tɔ́sə̄ yá̰a̰ gə̄ nin̄ i deē ndul gə̄ ngóy. Ādə̄ nin̄ ɔsən̄ dɔdə́ naā tə́, ādə̄ nin̄ malang reē ran̄! Ɓōĺ a rāādə́ ō, rɔ̄də́ a sɔl̄də́ ngá̰ý ō.

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 41:19

M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

JEREMI 48:13

Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.