IJAI 44:6 - Bibəl ta Sar̄

⁶ Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

Bible sar

⁶ Yá̰á̰ ń Kɔ́ɔ̄ɓē ō, mban̄g ō, nge gān̄g dɔ *Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 44:6 Referans Kwoze

IJAI 41:4

Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

JEJU TEĒ KUM JA̰A̰ 22:13

Mā i Alpa ō, Omega ō, nge kə́ kété ō kə́ gogə́ ō, ta kəla gír ō ta tɔ̄l̄ ta ō.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

IJAI 48:17

Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 37:16

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ḭ̄ ń ī-ndi dɔɔ́ dɔ Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 59:20

Nge gān̄g dɔ de gə̄ kógə̄ḿ a reē Siyo̰ tām̄ yā ngé gə̄ ń tūrə̄n̄ gidədə́ kɔ̄ɔ́ ta yá̰á̰ kə́ gōtə́ aĺ yādə́ gə̄ tə́ dan ngán Jakob gə̄ tə́ ní. Najə̄ ń Kɔ́ɔ̄ɓē əda ní n noó.

MATIYE 27:37

Nin̄-ndangən̄ sarya ń gāngə̄n̄ dɔn tə́ ní əndān̄ dɔn tə́ dɔɔ́. Ndangən̄ ədan̄ na: Nge ń toō i Jeju, mban̄g yā Jipə gə̄.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

IJAI 41:21

Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

IJAI 43:9

Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

JEREMI 10:1

De kə́ Israel tə́ gə̄, ōōī najə̄ ń Kɔ́ɔ̄ɓē əda dɔsí tə́ ní.