IJAI 44:26 - Bibəl ta Sar̄

²⁶ Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

Bible sar

²⁶ Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā *Juda tə́ m-ə́da na: A télən̄ yā rāā ɓē ní gogə́.

IJAI 44:26 Referans Kwoze

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

IJAI 60:10

Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

IJAI 42:9

Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

NEHEMI 1:3

Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

ESDRAS 2:70

Ngé tun̄ yá̰a̰ gə̄ ō, ngán Lebi gə̄ ō, núsə de kə́rēý gə̄ adə̄ i gōsə̄ pā gə̄ ō, ngé ngɔ̄m̄ ta róbə gə̄ ō, ngé rāā kəla gə̄ ō, ndin̄ kem ɓē gə̄ ń adə̄n̄də́ ní tə́. Ngán Israel gə̄ malang ndin̄ kə̄ kem ɓē yādə́ gə̄ tə́.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

EJEKIEL 38:17

Najə̄ ń mā Kɔ́ɔ̄ɓē Nə́ɓā m-ə́dá ní n toó: Kété ní m-ɔ̄r̄ najə̄ yāí i kə ta kūl̄ ngé kəla yāḿ gə̄ ń i ngé koō ta gə̄ kə́ Israel tə́ ní. Asə ɓāl̄ ngá̰ý kɔ̄ɔ́ ta n nin̄ a ədanə̄ń na m-ā m-ə́laī kənī gír deē yāḿ gə̄ rɔ̄ɔ̄ tə́ ní.

EJEKIEL 36:10

Dɔ nang kə́ Israel tə́ malang ní, m-ā m̄-rāāsí kadə̄ kutəsí i ngá̰ý. De gə̄ a télən̄ yā ndi kem ɓē bo gə̄ tə́ gogə́ ō, yá̰á̰ ń i kə́ nujə kɔ̄ɔ́ ní, a télən̄ yā rāā gogə́ ō.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

IJAI 58:12

Ndogə̄ mbal̄ kə́ jóo gə̄ ń nujən̄neé kɔ̄ɔ́ ní, ā ī-tél yā kundə́ dɔɔ́ gogə́, nja kújə́ kə́ kəya̰ kɔ̄ɔ́ jóo gə̄ ní, ā ī-tél yā rāā kújə dɔ tə́. A ɓāríīn̄ na i gír de gə̄ kə́ ngé kutə̄ kum loo kə́ njar gə̄ ō, kə́ tél rāā róbə kɔsə kə́ kem ɓēé gə̄ ō.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

PĀ GƏ̄ 147:2

Kɔ́ɔ̄ɓē rāā ɓē kə́ Jerusalem gogə́ rang. Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.

IJAI 61:4

Ndogə̄ mbal̄ kə́ kété gə̄ kə́ tétə̄n̄ nang tə́ kɔ̄ɔ́ ní, nin̄ a télən̄ yā kundə́ dɔɔ́ gogə́. Kújə́ kə́ tétə̄ nang tə́ jóó ngá̰ý gə̄ ní, nin̄ a télən̄ yā rāādə́ gogə́.

PĀ GƏ̄ 69:35

Dɔ rā̰ ō dɔ nang ō bā bo gə̄ kə yá̰a̰ malang kə́ kum tə́ gə̄ ō, ī-ɓōkə́nī tɔ̄ȳ!

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

IJAI 42:19

I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

JAKARI 1:17

Gō tə́ anī, de kə́ dɔ rā̰ tə́ ní mērə̄m̄ kəda najə̄ kə́ rang yā Kɔ́ɔ̄ɓē kə́ bo kə́ tɔ́gən i ngá̰ý ń toō: Yá̰á̰ kə́ majə gə̄ a télən̄ yā taā loo gogə́ kem ɓē yāḿ gə̄ tə́ ɓáý to̰ ō. M-ā m̄-tél yā gə̄rā ɓē kə́ Jerusalem gogə́ ɓáý to̰ ō, m-ā m̄-tél kə kəhɔ rɔ̄ tɔgɔɔ́ yā kadə̄n gogə́ ō.

2 MBAN̄G 7:16

Loo ń noō tə́ de kə́ kem ɓēé gə̄ teē ɔyn̄ yá̰á̰ kə́ kem gérger yā Aram gə̄ tə́. Ba tītə̄ ń Kɔ́ɔ̄ɓē ədań ní, mangən̄ ndujə̄ dójə́ kógə̄ḿ i kə njáŕ sə́lē arjā̰a̰ kógə̄ḿ beē ngóy ō, kōō ɔ́rjə kem səmbē bo kógə̄ḿ i kə sə́lē arjā̰a̰ kógə̄ḿ beē ngóy ō.

2 MBAN̄G 7:18

Tɔdɔ̄ dan ń deē yā Nə́ɓā əda mban̄g na bírí kə kum mbang nəkɔ́ ń toō kōō ɔ́rjə kem səmbē bo kógə̄ḿ kə súkə̄ kə́ Samari tə́ i sə́lē arjā̰a̰ kógə̄ḿ beē ngóy ō, ndujə̄ kem dójə́ kógə̄ḿ i njáŕ sə́lē arjā̰a̰ kógə̄ḿ beē ngóy ō ní,

2 MBAN̄G 7:20

I yá̰á̰ ń noō n rāā yá̰á̰ ní: De kə́ kem ɓēé gə̄ əren̄ nge kətō der kadə bápə́ tə́ adə̄ oy.

PĀ GƏ̄ 69:36

Tɔdɔ̄ Nə́ɓā a ajə ɓē kə́ Siyo̰ ō, a tél yā rāā ɓē gə̄ kə́ dɔ nang kə́ Juda tə́ gogə́ rang ō. Gír deē yān gə̄ a télən̄ yā taā ɓē gə̄ ní gogə́ ō, a télən̄ yā ndi kem ɓē gə̄ ní tə́ gogə́ ō.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

JEREMI 28:9

Ba ré nge koō ta kógə̄ḿ ɔr̄ najə̄ kə́ dɔ lɔm tə́ anī, i dan ń najə̄ kɔrə̄n reē udə gírí ní n de gə̄ a gerə̄n̄ kadə̄ i Kɔ́ɔ̄ɓē n əlan rɔ̄kum ní.