IJAI 44:23 - Bibəl ta Sar̄

²³ A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

Bible sar

²³ A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ *Israel tə́!

IJAI 44:23 Referans Kwoze

PĀ GƏ̄ 69:34

Kɔ́ɔ̄ɓē oō ndɔ̄ȳ yā ngé ndoō gə̄. Ni-mbātə́ deē yān gə̄ ń əhɔn̄də́ ɓəloó ní alé.

JEREMI 51:48

Tā anī dɔ rā̰ ō, dɔ nang ō, yá̰a̰ malang kə́ tū tə́ ō, ənīn̄ pā tetə rɔ̄ɔ̄ dɔ Babilon tə́. Tām̄ ngé nujə loo sák sák gə̄ ḭḭn̄ i mbɔ́r ɓē kə́ ko̰ó̰ tə́ n reēn̄ ní. Najə̄ ń Kɔ́ɔ̄ɓē əda ní n noó.

IJAI 49:3

Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 12:12

I beé ní, dɔ rā̰ ī-rāā rɔ̄nel̄ ō, sḭḭ̄ de gə̄ ń ī-ndiī dɔ rā̰ tə́ ní, ī-rāāī rɔ̄nel̄ ō. Ba sḭḭ̄, dɔ nang ō bā bo ō ní, yá̰á̰ kə́ to kum kaȳ aĺ a əsō dɔsí tə́. Tɔdɔ̄ diabəl risə kum kə̄ dɔsí tə́ noō. Wōn̄g rāān ngá̰ý tām̄ ni-ger̄ kadə̄ kum mbang yān na̰y i ngá̰ý alé.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

EPEJƏ 3:21

Adə̄ kɔsə gɔn i yān dan ngé kán̄ naā gə̄ tə́, kə ta kūl̄ Kərist Jeju kə dɔ ɓāl̄ gə̄ malang. Adə̄ i tītə̄ ń noō!

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

EJEKIEL 36:1

Ngōn̄ deē, najə̄ yā mbal̄ gə̄ kə́ Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 26:15

Kɔ́ɔ̄ɓē, ī-rāā adə̄ kutə nápar deē yāí gə̄ i ngá̰ý, ḭ̄ ɔ́jə kɔsə gɔn yāí, ḭ̄ ī-rāā adə̄ nápar deē yāí gə̄ tɔgən̄, ḭ̄ ɔ́jə kɔsə gɔn yāí, ḭ̄ ī-tél kə dɔ nin̄ loo gə̄ yā ɓēé kə̄ gogə́ malang.

PĀ GƏ̄ 148:7

Ə́laī gír tɔ̄ȳ Kɔ́ɔ̄ɓē dɔ nang tə́ laā, sḭḭ̄ bā bo gə̄ ō, dā̰ man̄ gə̄ ō,

EJEKIEL 39:13

De gə̄ malang kə́ gō nang ngeé ń noō tə́ a rāān̄ kəla ngeé ń noō ō, rɔ̄də́ a nel̄də́ ngá̰ý najə̄n tə́ ndɔ̄ ń m-ā m-ɔ́jəńdə́ kɔsə gɔn yāḿ tə́ ní ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EPEJƏ 4:9

Tá kaw̄n kə̄ dɔɔ́ ní kumən na i rí? Nge ń noō ɔjə kadə̄ kété ní ni-risə aw̄ gíŕ nángāá.

1 YÁ̰A̰ GƏ̄ 16:31

Ādə̄ dɔ rā̰ rāā rɔ̄nel̄. Ādə̄ dɔ nang tḭ́ḭ̄ bal walya. Ə́daī dan nápar de gə̄ tə́ malang na Kɔ́ɔ̄ɓē i mban̄g.

PĀ GƏ̄ 65:13

Yá̰a̰ kul̄ gə̄ alə̄n̄ loo kem dəla loo tə́ ō. Ngán mbal̄ gə̄ do̰ō̰n̄ rɔ̄nel̄ ndāŕ tə́ ɓōdə̄də́ tə́ ō.

PĀ GƏ̄ 148:9

mbal̄ bo gə̄ ō, ngán mbal̄ gə̄ malang ō, kāgə̄ gə̄ kə́ a anə̄n̄ gə̄ ō, kāgə̄ sédər gə̄ malang ō,

IJAI 12:5

Ə̄nī pā tām̄ yā Kɔ́ɔ̄ɓē tə́, tɔdɔ̄ ni-rāā yá̰á̰ kə́ bo gə̄. Yá̰á̰ kə́ bo gə̄ ń ni-rāā ní, ə́daī de kə́ dɔ nang tə́ gə̄ malang ādə̄ gerə̄n̄ gō!

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JEREMI 31:11

Kɔ́ɔ̄ɓē gān̄g dɔ Jakob ō, ɔrə̄n jī de kə́ ngan̄g tɔȳn tə́ ō.

EJEKIEL 35:14

Najə̄ ń mā Kɔ́ɔ̄ɓē Nə́ɓā m-ə́dá ní n toó: Dan ń rɔ̄ gír de gə̄ malang a nel̄də́ anī, m-ā m̄-nujiī sák sák kɔ̄ɔ́.

Teē Ngán Israel gə̄ 18:9

Rɔ̄ Jetəro nelə̄n tām̄ yá̰á̰ kə́ majə gə̄ malang ń Kɔ́ɔ̄ɓē rāā kə ngán Israel gēé tə́ ní, tɔdɔ̄ ni-ɔr̄də́ gíŕ tɔ́gə yā de kə́ Ejiptə gə̄ tə́ kɔ̄ɔ́.

1 YÁ̰A̰ GƏ̄ 16:32

Ādə̄ kōō bā bo kə yá̰a̰ malang kə́ tū tə́ ɓār̄ bu bu! Ādə̄ loo kə́ bembeé kə yá̰á̰ kə́ kemeé gə̄ malang rāān̄ rɔ̄nel̄!

1 YÁ̰A̰ GƏ̄ 16:33

Ādə̄ kāgə̄ gə̄ malang kə́ kem ku gə̄ tə́ túrə̄n̄ kɔĺ rɔ̄nel̄, tɔdɔ̄ ni-reē i ko̰o̰ ɓēé dɔ nang tə́.

PĀ GƏ̄ 69:35

Dɔ rā̰ ō dɔ nang ō bā bo gə̄ kə yá̰a̰ malang kə́ kum tə́ gə̄ ō, ī-ɓōkə́nī tɔ̄ȳ!

PĀ GƏ̄ 89:13

I ḭ̄ n i nge kəndā dām̄ mbɔ́r ɓē kə́ ko̰ó̰ ō kə́ geleé ō ní. Mbal̄ gə̄ kə́ Tabor ō kə́ Hermon ō əgan̄ kɔŕ rɔ̄nel̄ dɔ rīí tə́.