IJAI 44:22 - Bibəl ta Sar̄

²² m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

Bible sar

²² m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 44:22 Referans Kwoze

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

1 KORḚNTƏ 6:20

Nə́ɓā mangsí, ni-adə̄ yá̰a̰ gíŕsí tə́ kɔ̄ɔ́. I beé ní, ɔ́siī gɔn Nə́ɓā kə rɔ̄sí.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

PĀ GƏ̄ 103:12

Tītə̄ ń gír ɓē i sa̰y rɔ̄ loo kə́ no ɓē tə́ ní, tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.

JEREMI 33:8

M-ā m̄-tə́gó yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ ní kadə̄ unjə̄n̄ njáý njáý. M-ā m̄-mā̰ȳ rɔ̄ḿ dɔ yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ kə gō mbātə́ kə́ nin̄ mbātə́mə̄n̄ tə́ ní.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 1:27

Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

PĀ GƏ̄ 109:14

Ādə̄ tél terə̄n̄ kem Kɔ́ɔ̄ɓē dɔ yá̰á̰ kə́ gōtə́ aĺ ń kaan gə̄ rāān̄ tə́ ní ō, ādə̄ yá̰á̰ kə́rēý ɔr̄ majaĺ yā kó̰o̰n kɔ̄ɔ́ aĺ ō!

Makətūbə̄ yā Job 37:11

Gō tə́ anī loo kə́ a̰a̰ rá ráńg ɔy kil̄ man̄ gə̄ aw̄ń kɔ̄ɔ́ ō, kil̄ man̄ gə̄ ń tel̄ man̄ i ngá̰ý tū tə́ ní, ni tə̄ndā tḭ̄ḭ̄də́ kɔ̄ɔ́ ō.

NEHEMI 4:5

Madə̄ ba̰ā̰jí gə̄ ədan̄ yādə́ na: A gerə̄n̄ gōjí aĺ ō, a a̰a̰n̄jí aĺ ō, bátə́ kadə̄ j-ugīīneé dandə́ tə́. Loo ń noō tə́ j-a jə-tɔ̄līdə́ ō, j-a jə-bāāī ta kəla ō.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

2 YÁ̰A̰ GƏ̄ 6:21

Ōō ɓār̄ ń mā ō, Israel gə̄ ń i deē yāí gə̄ ní ō, j-tūr̄ kumjí kə̄ loo ń toō tə́ j-ɓārī ní ō. Kɔ́ɔ̄ɓē, ōō ndūjí loo ń ī-ndi tū tə́ dɔ rā̰ tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

Teē Ngán Israel gə̄ 18:9

Rɔ̄ Jetəro nelə̄n tām̄ yá̰á̰ kə́ majə gə̄ malang ń Kɔ́ɔ̄ɓē rāā kə ngán Israel gēé tə́ ní, tɔdɔ̄ ni-ɔr̄də́ gíŕ tɔ́gə yā de kə́ Ejiptə gə̄ tə́ kɔ̄ɔ́.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

PĀ GƏ̄ 130:8

I ni n i nge gān̄g dɔí, tū yá̰á̰ kə́ gōtə́ aĺ gə̄ malang ń ī-rāā tə́ ní.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

JAKARI 3:4

De kə́ dɔ rā̰ tə́ ní əda de kə́ seneé gə̄ kadə̄ ɔrə̄n̄ kūbə̄ kə́ rɔ̄ Yesua tə́ kɔ̄ɔ́. Gō tə́ anī, ni-əda Yesua na: Á̰a̰ā̰, m-ún yá̰a̰ rāāí kə́ gōtə́ aĺ gə̄ dɔí tə́ kɔ̄ɔ́ ō, ā ásə kəla kūbə̄ pétə rɔ̄í tə́ ō.