IJAI 44:2 - Bibəl ta Sar̄

² Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

Bible sar

² Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

IJAI 44:2 Referans Kwoze

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

PĀ GƏ̄ 71:6

M-ə́lá gír ndə̄nā rɔ̄ḿ rɔ̄í tə́ i dan ń m̄-teēń kem kó̰ó̰ḿ tə́ ní. I ḭ̄ n ɔ̄rə̄m̄ kem kó̰ó̰ḿ tə́ ī-teē seḿ ndágá ní, i ḭ̄ n m-ā m̄-ɓōkíī tɔ̄ȳ kanjə̄ kɔr ta tə́ ní.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

1 TESALONIK 1:4

Sḭḭ̄ ngákó̰ó̰jí gə̄ ń Nə́ɓā táŕsí ní, i ni n gə̄rāsí ní.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

NDŪ NAJƏ̄ 33:5

Gerə̄n̄ kadə̄ Kɔ́ɔ̄ɓē i mban̄g yā Yesurun. i loo ń ngār gə̄ kə́ dɔ Israel gə̄ tə́ kánə̄n̄ naā ō, gír ɓē gə̄ malang yā Israel kánə̄n̄ naā ō ní.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 45:11

Yá̰á̰ ń Kɔ́ɔ̄ɓē, Nə́ɓā kə́ táĺ yā Israel, nge rāā gír deē yān gə̄, əda ní n toó: Sḭḭ̄ ī-dəjemī najə̄ kə́ dɔ ngánə́ḿ gə̄ tə́. Sḭḭ̄ ī-ndigiī kədam̄ yá̰á̰ kə́ kadə̄ m̄-rāā gə̄ najə̄ yā yá̰á̰ ń mā m̄-rāā tə́ ní. Ní, nge ń noō i najə̄ yāḿ mā!

IJAI 49:5

Ba ngɔlaā ní, Kɔ́ɔ̄ɓē ɔr̄ najə̄. Ni rāām̄ kété pá tá kadə̄ ojəmə̄n̄ ɓáý, yā kadə̄ mā i nge kəla yān. Ni ndigə kadə̄ m̄-tél kə ngán Jakob gēé kə̄ rɔ̄n tə́, kadə̄ m-ósə dɔ gír de gə̄ yā Israel gə̄ kə̄ naā tə́. Kɔ́ɔ̄ɓē əhɔ gōḿ ō, Nə́ɓā yāḿ i tɔ́gə́ḿ ō.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.