IJAI 44:19 - Bibəl ta Sar̄

¹⁹ De kə́ gíŕ yá̰a̰ gətóo. De kə́ kur̄ dɔn to asə tām̄, aláa kə́ aw̄ kə ter kemən tə́ yā kɔrə̄ń najə̄ kə rɔ̄n nəkɔ́ kəda na: m̄-róō núsə kāgə̄ ō, yá̰á̰ ń m-ə́sá ní m̄-tə́ngān i dɔ hor tə́ ō. Ní, gotə kāgə̄ ń na̰y ní m̄-tɔ́sə̄ kə m̄-rāā yá̰á̰ kógə̄ḿ kə́ majə ka̰ā̰ aĺ tə́ a? Kə m-ə́ga nōr̄ kə̄ no dugə̄jū kāgə̄ tə́ a ní, gətóo.

Bible sar

¹⁹ De kə́ gíŕ yá̰a̰ gətóo. De kə́ kur̄ dɔn to asə tām̄, aláa kə́ aw̄ kə ter kemən tə́ yā kɔrə̄ń najə̄ kə rɔ̄n nəkɔ́ kəda na: m̄-róō núsə kāgə̄ ō, yá̰á̰ ń m-ə́sá ní m̄-tə́ngān i dɔ hor tə́ ō. Ní, gotə kāgə̄ ń na̰y ní m̄-tɔ́sə̄ kə m̄-rāā yá̰á̰ kógə̄ḿ kə́ majə ka̰ā̰ aĺ tə́ a? Kə m-ə́ga nōr̄ kə̄ no dugə̄jū kāgə̄ tə́ a ní, gətóo.

IJAI 44:19 Referans Kwoze

NDŪ NAJƏ̄ 27:15

Deē ń a tə́gā kāgə̄ yā kudə ɓesə̄ tə́, aké a nō gində̄ horoó yā tɔ́sə̄ ba rāā kum gotə yá̰á̰ kə́rēý tə́ yā ndɔ̄ȳ loo mundə̄ tə́ jəke ní, ndɔ̄ĺ i dɔn tə́. Tɔdɔ̄ yá̰á̰ kə́ beé gə̄ ń de gə̄ rāān̄ kə jīdə́ ní, i yá̰á̰ kə́ to yḛr kum gə̄ ta kum Kɔ́ɔ̄ɓē tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

1 MBAN̄G GƏ̄ 11:5

Salomo̰ rāā ɓesə̄ Astarte ń i ɓesə̄ kə́ dəyá̰ yā Sidon gə̄ ní ō, rāā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní ō.

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī Israel gə̄ gotə yá̰a̰ malang ń á̰a̰ā̰ ní.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

2 MBAN̄G 23:13

Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.

NDŪ NAJƏ̄ 32:46

ni ədadə́ na: Yá̰á̰ kə́ yā rāā gə̄ ń ɓōólaā m-ɔ́jə́sí kadə̄ ī-rāāī ní, ī-lōōī rāā yá̰á̰ kógə̄ naā tə́. Ba ɔ́jiī ngáńsí gə̄ ō, ngán kaasí gə̄ ō, ādə̄ əndān̄ kumdə́ gíŕ yá̰a̰ malang ń ndū najə̄ yā Nə́ɓā əda kadə̄ yā rāā tə́ ní ba rāān̄.

Teē Ngán Israel gə̄ 7:23

Ni-ɔtə tadə́ tə́ tél aw̄ ɓēé looneé kanjə̄ kadə̄ usən yá̰á̰ kógə̄ḿ.

Makətūbə̄ yā Aje 1:5

Ngɔlaā ní, Kɔ́ɔ̄ɓē kə́ bo kə́ tɔ́gən i ngá̰ý dəjesí kadə̄ ī-gírī yá̰á̰ ń ī-rāāī ní.

IJAI 46:8

Ādə̄ əga kemsí dɔ nge ń noō tə́ ba ī-téĺ ə́hɔī rɔ̄sí tɔgə gogə́! Sḭḭ̄ de kə́ ngé ra dɔ ndūsí tə́ aĺ gə̄, ī-gírī dɔ tə́!

2 MBAN̄G 23:14

Ni tɔ̄ɔ̄ mbal̄ kə́ kudə dɔɔ́ gə̄ kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, ba kán̄ kə̄ngā de gə̄ gotoó.

IJAI 44:18

De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.