IJAI 44:18 - Bibəl ta Sar̄

¹⁸ De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

Bible sar

¹⁸ De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

IJAI 44:18 Referans Kwoze

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

PĀ GƏ̄ 81:12

Banī gír deē yāḿ gə̄ oōn̄ ndūḿ alé, Israel ndigə najə̄ yāḿ alé.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

JA̰A̰ 8:43

I tām̄ rí tə́ á sḭḭ̄ ī-gerī kum najə̄ yāḿ aĺ ní? I tɔdɔ̄ sḭḭ̄ ásiī koō najə̄ yāḿ alé.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

DANIEL 12:10

A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

Gōsə̄ najə̄ gə̄ 28:5

De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

KƏLA RĀĀ 14:16

Kem ɓāl̄ kə́ mān̄ kɔ̄ɔ́ gə̄ tə́ ní, Nə́ɓā əya̰ nápar de gə̄ malang adə̄ unən̄ i gō róbə yādə́ nin̄ kɔ́ gə̄.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

IJAI 44:19

De kə́ gíŕ yá̰a̰ gətóo. De kə́ kur̄ dɔn to asə tām̄, aláa kə́ aw̄ kə ter kemən tə́ yā kɔrə̄ń najə̄ kə rɔ̄n nəkɔ́ kəda na: m̄-róō núsə kāgə̄ ō, yá̰á̰ ń m-ə́sá ní m̄-tə́ngān i dɔ hor tə́ ō. Ní, gotə kāgə̄ ń na̰y ní m̄-tɔ́sə̄ kə m̄-rāā yá̰á̰ kógə̄ḿ kə́ majə ka̰ā̰ aĺ tə́ a? Kə m-ə́ga nōr̄ kə̄ no dugə̄jū kāgə̄ tə́ a ní, gətóo.

JEREMI 51:17

De gə̄ malang télən̄ de kə́ mbóo gə̄ sɔɔ̄ń yá̰a̰ ger̄ yādə́, rɔ̄ ngé rāā kəla lɔ́r gə̄ sɔl̄də́ najə̄ ɓesə̄ yādə́ tə́. Ɓesə̄ yādə́ kə́ tɔ́sə gə̄ i yá̰a̰ kə́ rɔ̄kum alé, koō gətóo kemdə́ tə́.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.