IJAI 44:15 - Bibəl ta Sar̄

¹⁵ A rāā hor i kə kāgāá. De gə̄ a unən̄ yā ndíbə̄, aláa yā ndīrəń yá̰a̰ kəsa. Aĺ ɓáa nin̄ rāān̄ nə́ɓā tə́ yā rɔȳn. Nin̄ tɔ́sə̄n̄ yá̰a̰ rāān̄ yá̰á̰ kógə̄ḿ tə́ ba ɔsən̄ nodə́ nang tə́ no yá̰á̰ ní tə́ rɔȳnəń yá̰á̰ ní.

Bible sar

¹⁵ A rāā hor i kə kāgāá. De gə̄ a unən̄ yā ndíbə̄, aláa yā ndīrəń yá̰a̰ kəsa. Aĺ ɓáa nin̄ rāān̄ nə́ɓā tə́ yā rɔȳn. Nin̄ tɔ́sə̄n̄ yá̰a̰ rāān̄ yá̰á̰ kógə̄ḿ tə́ ba ɔsən̄ nodə́ nang tə́ no yá̰á̰ ní tə́ rɔȳnəń yá̰á̰ ní.

IJAI 44:15 Referans Kwoze

2 YÁ̰A̰ GƏ̄ 25:14

Dan ń Amasia tetə Edom gə̄ rɔ̄ɔ̄ ba tél ní, ɔy ɓesə̄ Edom gə̄ ń i nə́ɓā yādə́ gə̄ ní reēń jīn tə́. Ni rāādə́ nə́ɓā yān gə̄ tə́ ō, ɔsə non nang tə́ nodə́ tə́ rɔȳńdə́ ō, ndējə̄də́ kajaja ō.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 44:10

Tɔ́sə̄ yá̰a̰ rāā nə́ɓā tə́, nōō gində̄ rāā ɓesə̄ kə́ deē a rāań yá̰á̰ kógə̄ḿ aĺ tə́, ní, i mbóó kə́ ba̰ý beē!

NGÉ SARYA 2:19

Dan ń nge sarya oy kɔ̄ɔ́ anī nin̄ tél rāān̄ yá̰á̰ kə́ majaĺ ngá̰ý tɔȳ yā kaadə́ gə̄ ɓáý. Nin̄ əhɔn̄ gō ɓesə̄ gə̄ ō, rāān̄ kəla adə̄n̄də́ ō, əsōn̄ kə̄ nang tə́ nodə́ tə́ rɔȳn̄də́ ō. Nin̄ lōōn̄ gír kəla rāādə́ gə̄ kə́ majaĺ gə̄ aĺ ō, gír dɔ ngan̄g tə́ aĺ ō.

IJAI 44:14

Ni tə́gā i kāgə̄ kógə̄ḿ kə́ majə ngá̰ý kə́ tītə̄ kāgə̄ sédər. Ni gə̄rā i kāgə̄ kógə̄ḿ kə́ ngan̄g kə́ tītə̄ kāgə̄ sén, aláa kāgə̄ kə́ rang kə́ bo. Ni əya̰də́ adə̄ tɔgən̄ kem ku loo tə́. Aláa ni-əhɔ kāgə̄ kə́ bo kə́ tītə̄ kāgə̄ Pḛ́ḛ ō, man̄ kə́ edə dɔ tə́ rāā adə̄ sitə ō.

IJAI 44:16

Ni Nin̄ unən̄ núsə kāgə̄ ní yā rāań hor. Nin̄ tə́ngān̄ dā̰ dɔ hor tə́, əsan̄ dā̰ ní ō, ɓō rāādə́ to̰ aĺ ō. Aĺ ɓáa nin̄ ndíbə̄n̄ hor ba ədan̄ na: Kāgə̄ ń toō rāā adə̄ jə-ndíbə̄ hor majə ngá̰ý, ta ndo̰ hor ń toō nel̄ ngá̰ý!

IJAI 44:17

Gotə kāgə̄ ń na̰y ní, nin̄ rāān̄ nə́ɓā kógə̄ḿ tə́, rāān̄ ɓesə̄ yādə́ tə́. Nin̄ ɔsən̄ nodə́ nang tə́ no ɓesə̄ ní tə́, nin̄ rɔȳnən̄ ō, ndɔ̄ȳn̄ tītə̄ ń toō beé ō ədan̄ na: Ḭ̄ i nə́ɓā yāḿ, ájəm̄!

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

IJAI 2:8

Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.