IJAI 44:14 - Bibəl ta Sar̄

¹⁴ Ni tə́gā i kāgə̄ kógə̄ḿ kə́ majə ngá̰ý kə́ tītə̄ kāgə̄ sédər. Ni gə̄rā i kāgə̄ kógə̄ḿ kə́ ngan̄g kə́ tītə̄ kāgə̄ sén, aláa kāgə̄ kə́ rang kə́ bo. Ni əya̰də́ adə̄ tɔgən̄ kem ku loo tə́. Aláa ni-əhɔ kāgə̄ kə́ bo kə́ tītə̄ kāgə̄ Pḛ́ḛ ō, man̄ kə́ edə dɔ tə́ rāā adə̄ sitə ō.

Bible sar

¹⁴ Ni tə́gā i kāgə̄ kógə̄ḿ kə́ majə ngá̰ý kə́ tītə̄ kāgə̄ sédər. Ni gə̄rā i kāgə̄ kógə̄ḿ kə́ ngan̄g kə́ tītə̄ kāgə̄ sén, aláa kāgə̄ kə́ rang kə́ bo. Ni əya̰də́ adə̄ tɔgən̄ kem ku loo tə́. Aláa ni-əhɔ kāgə̄ kə́ bo kə́ tītə̄ kāgə̄ Pḛ́ḛ ō, man̄ kə́ edə dɔ tə́ rāā adə̄ sitə ō.

IJAI 44:14 Referans Kwoze

IJAI 40:20

Deē ń ndoō ngá̰ý adə̄ ni asə kadə̄ yá̰a̰ ndējə̄ kə́ beé aĺ ní, ni gə̄rā i kāgə̄ kə́ a ur ruú alé. Gō tə́ anī ni sāā kɔdə̄ kə́ majə kə́ asə tɔ́sə̄ yá̰á̰ kógə̄ḿ kə́ ra dɔɔ́.

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

IJAI 44:13

Kɔdə̄ nge tɔ́sə̄ yá̰a̰ mbɔ̄jə́ dugə̄jū kāgə̄ yān kə kəlāá. Ni-rāā nə́ɓā kə́ rɔ̄kum aĺ tū tə́ kə hō̰rō̰ kə́ ndaa. Ni tɔ́sə̄ kāgə̄ ní kə waĺ ō, usə gidə kə yá̰a̰ kusə gidə yá̰á̰ adə̄ ndə́lē ō. Kɔdə̄ nge tɔ́sə̄ yá̰a̰ a ndájə̄ i loo rāā deē kə́ majə ngá̰ý n a tɔ́səń deē yān ní. Ni a əndā deē ń ni tɔ́sə̄ ní i kem loo kógə̄ḿ kə́ yā ɓōĺ gidə tə́.

IJAI 44:15

A rāā hor i kə kāgāá. De gə̄ a unən̄ yā ndíbə̄, aláa yā ndīrəń yá̰a̰ kəsa. Aĺ ɓáa nin̄ rāān̄ nə́ɓā tə́ yā rɔȳn. Nin̄ tɔ́sə̄n̄ yá̰a̰ rāān̄ yá̰á̰ kógə̄ḿ tə́ ba ɔsən̄ nodə́ nang tə́ no yá̰á̰ ní tə́ rɔȳnəń yá̰á̰ ní.