IJAI 44:1 - Bibəl ta Sar̄

¹ Ba ngɔlaā ní, gír de gə̄ yā Jakob, nge kəla yāḿ Israel, ḭ̄ ń m̄-gə̄rāī ní, ōō.

Bible sar

¹ Ba ngɔlaā ní, gír de gə̄ yā Jakob, nge kəla yāḿ *Israel, ḭ̄ ń m̄-gə̄rāī ní, ōō.

IJAI 44:1 Referans Kwoze

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 42:23

I náā kə́ dansí tə́ n əndā kumən gíŕ yá̰á̰ ń noō tə́ ní? I náā a oō ní? I náā n a ger̄ kum ngɔlaā ní?

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

PĀ GƏ̄ 136:22

Adə̄ Israel ń i nge kəla yān ní yá̰a̰ ndəbā tə́, tɔdɔ̄ kem majə yān to ngándáńg.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 41:9

M-āw̄ sāāí tə́ bátə́ m-ūgə̄ ta ngóy dɔ nang tə́, ī-ndi i gō nang kə́ sa̰y tɔȳ gotə gō nang kə́ rang gə̄ tə́ n m̄-ɓāríī tū tə́ ní. M-ə́daī na nge kəla yāḿ i ḭ̄, m̄-gə̄rāī, ba m̄-tə́taī kə̄ gogə́ alé.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

IJAI 45:4

I tām̄ Jakob nge kəla yāḿ tə́, a̰á̰ā̰, i najə̄ yā Israel ń m̄-gə̄rān ní tə́ n m̄-ɓāríiń kə rīí ní. m̄-rɔyī i dan ń ḭ̄ ī-gerə̄m̄ aĺ ɓáý ní.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.