IJAI 43:9 - Bibəl ta Sar̄

⁹ Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

Bible sar

⁹ Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

IJAI 43:9 Referans Kwoze

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

IJAI 43:26

Ī-tél ī-ter̄ kemḿ dɔ yá̰á̰ ń ī-gɔŕyɔ̄m̄ najə̄n tə́ ní, ba j-aw̄ mbak loo sarya tə́. Īkɔ́ ə̄nī gotə yá̰a̰ gə̄ ń rāān̄ yá̰á̰ ní ō, ɔ́jə kadə̄ najə̄ i yāí ō.

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 34:1

Sḭḭ̄ nápar de gə̄, ī-ndɔ́tī kə̄ ngɔr ōōiń najə̄, sḭḭ̄ de kə́ kem ɓēé gə̄, ī-nēlī mbīsí! Ādə̄ dɔ nang kə yá̰a̰ malang kə́ tū tə́ oō najə̄! Ādə̄ dɔ rā̰ ō dɔ nang ō, yá̰a̰ malang kə́ teē tū tə́ ō oōn̄ najə̄!

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.