IJAI 43:7 - Bibəl ta Sar̄

⁷ De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

Bible sar

⁷ De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 43:7 Referans Kwoze

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

JA̰A̰ 15:8

Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

IJAI 48:11

Ré m̄-rāā yá̰a̰ beé anī, i najə̄ yāḿ mā tə́ ngóy. Tām̄ mā m̄-ndigə kadə̄ tájə̄mə̄n̄ alé. m̄-ndigə kəya̰ kɔsə gɔn yāḿ kadə̄ de kə́ rang alé.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

PĀ GƏ̄ 100:3

Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

JAKƏ 2:7

I nin̄ n a ɔrə̄n̄ najə̄ kə́ to ngonjə̄ gə̄ dɔ rī kə́ majə ngá̰ý ń ɓār̄ dɔsí tə́ ní aĺ a?

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

KƏLA RĀĀ 11:26

Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

AMOS 9:12

Loo ń noō tə́ ngán Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

DANIEL 9:18

Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

DANIEL 9:19

Kɔ́ɔ̄ɓē, ī-nēl̄ mbīí, Kɔ́ɔ̄ɓē, ī-mā̰ȳ rɔ̄í dɔjí tə́! Kɔ́ɔ̄ɓē, ī-nēl̄ mbīí majə! Ɓɔ́ Nə́ɓā yāḿ, ī-rāā yá̰á̰ kógə̄ḿ tām̄ yāí īkɔ́ tə́ ba ī-lōō kɔr bā̰ā̰, tɔdɔ̄ ɓārə́n̄ rīí dɔ ɓē yāí tə́ ō, dɔ gír deē yāí gə̄ tə́ ō.