IJAI 43:5 - Bibəl ta Sar̄

⁵ Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

Bible sar

⁵ Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

IJAI 43:5 Referans Kwoze

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

Najə̄ kə́ Majə yā Jeju ń Luk ndang ní 13:29

De gə̄ a teēn̄ dām̄ kə́ dūn̄ ɓē tə́ ō, kə́ no ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō, yā reē ndi ta yá̰a̰ kəsa tə́ kem Ɓē ko̰o̰ yā Nə́ɓā tə́.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

PĀ GƏ̄ 107:3

ni ɔydə́ kə dɔ ɓē gə̄ malang ō, ḭḭ sedə́ gír ɓē tə́ ō no ɓē tə́ ō, dām̄ mbɔ́r ɓē kə́ ko̰ó̰ tə́ ō, bā bo tə́ ō, ba kán̄də́ naā tə́ ní, ədan̄ najə̄ ń toō kə̄ nja naā tə́.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

IJAI 41:9

M-āw̄ sāāí tə́ bátə́ m-ūgə̄ ta ngóy dɔ nang tə́, ī-ndi i gō nang kə́ sa̰y tɔȳ gotə gō nang kə́ rang gə̄ tə́ n m̄-ɓāríī tū tə́ ní. M-ə́daī na nge kəla yāḿ i ḭ̄, m̄-gə̄rāī, ba m̄-tə́taī kə̄ gogə́ alé.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 49:18

Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge nong kə́ dəyá̰ əhɔń ɓōdə̄n beé.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

IJAI 54:7

M-ə́ya̰ī kɔ̄ɔ́ i kum mbang kə́ sḛ́ý beē tə́. Banī m̄-ndigə tél taāī gogə́ i kə kemḿ kə́ gḛy táriī ngá̰ý.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

JEREMI 23:8

A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 42:11

Mban̄g kə́ Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

JEREMI 51:46

Ādə̄ tɔ́gə́sí ur̄ wak aĺ ō, ī-ɓōlíī najə̄ kə́ ɓār̄ sow kə́ ɔsə gō naā kə dɔ ɓāl̄ gə̄ kem ɓēé aĺ ō. Yá̰á̰ kə́ rāā kə dɔ́nɔ́ taā kem ɓē ō, nge ko̰o̰ ɓē kə́ rāā de gə̄ majaĺ tə̄ɓā madə̄n ba o̰o̰ń ɓē gotən tə́ ō.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

JEREMI 23:7

Najə̄ ń toō ń na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní de gə̄ a ton̄ dan kəda to̰ alé, ba á̰a̰ī, kem ndɔ̄ gə̄ ń a reēn̄ noō tə́ ní.