IJAI 43:3 - Bibəl ta Sar̄

³ Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

Bible sar

³ Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ *táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ *Etiopi ō, i ɓē kə́ Seba ō.

IJAI 43:3 Referans Kwoze

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

Gōsə̄ najə̄ gə̄ 21:18

Nge kem ndul i yá̰a̰ gān̄g dɔ rɔ̄ tām̄ yā de kə́ súmūú tə́ ō, de kə́ sew aĺ i yá̰a̰ gān̄g dɔ rɔ̄ tām̄ yā de kə́ gōtə́ gə̄ tə́ ō.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

IJAI 30:11

Ə́ya̰ī róbə́ kə́ majə kɔ̄ɔ́ ba āwī sa̰y, ə́ya̰ī róbə́ kə́ majə ba ī-tɔ̄ɔ̄ī. Nə́ɓā kə́ táĺ yā Israel ní, ī-lōōī kɔr̄ najə̄ yān sejí to̰!

Gōsə̄ najə̄ gə̄ 11:8

De kə́ súmūú teē ta sōl̄ tə́, banī nge kem ndul reē əsō tū tə́ gotən tə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

Teē Ngán Israel gə̄ 10:7

Ngé kəla yā Parao̰ gə̄ ədanən̄ na ké deē ń noō a rāā kadə̄ yá̰á̰ kə́ tōr̄ gə̄ a rāān̄də́ beé ké i ta kaw̄ rə́ngáý tə́ wa. Kə əya̰ dəngam kə́ Israel tə́ gə̄ kadə̄ aw̄ rāān̄ kəla adə̄n̄ Kɔ́ɔ̄ɓē Nə́ɓā yādə́, na ɓē kə́ Ejiptə a gətóo na i mbéé ní ké ger̄ aĺ ɓáý wa.

TA KƏLA 10:7

Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

LEBI GƏ̄ 11:44

Tɔdɔ̄ mā i Kɔ́ɔ̄ɓē Nə́ɓā yāsí. Ā ɔ̄rī rɔ̄sí kɔ̄ɔ́ tayā tām̄ yāḿ tə́ kadə̄ sḭḭ̄ i de kə́ táĺ gə̄, tɔdɔ̄ mā i de kə́ táĺ, adə̄ ā ɔ́diī rɔ̄ dā̰ kə́ kagə nang tə́ gə̄ ń noō yā téləń de kə́ yḛr gə̄ alé.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

IJAI 19:20

Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

JEREMI 16:21

I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.

AMOS 9:7

Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.