IJAI 43:25 - Bibəl ta Sar̄

²⁵ Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

Bible sar

²⁵ Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 43:25 Referans Kwoze

HEBƏRO 8:12

Tɔdɔ̄ yá̰á̰ kə́ gōtə́ aĺ gə̄ ń nin̄-rāān̄ ní, m-ā mā̰ȳ rɔ̄ḿ dɔ tə́ ō, a əga kemḿ dɔ majaĺ yādə́ gə̄ tə́ to̰ aĺ ō.

HEBƏRO 10:17

Gō tə́ anī ni-əda na: A əga kemḿ dɔ majaĺ yādə́ gə̄ to̰ aĺ ō, dɔ yá̰á̰ rāādə́ kə́ gō tə́ aĺ gə̄ tə́ to̰ aĺ ō.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

MARK 2:7

I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

EJEKIEL 36:22

Tām̄ najə̄ ń noō tə́ ní, ə́da na: Najə̄ ń Kɔ́ɔ̄ɓē Nə́ɓā ɔr̄ ní n toó: Israel gə̄, yá̰á̰ ń m-ā m̄-rāā yā rāā ní, m-ā m̄-rāā i najə̄ yāsí sḭḭ̄ tə́ alé. M-ā m̄-rāā i yā kadə̄ de gə̄ ɓōĺnəń gidə rīḿ kə́ táĺ. A̰á̰ā̰, de gə̄ kídə̄n̄ rīḿ ɓē nápar de gə̄ ń sḭḭ̄ āwī tū tə́ ní i najə̄ yāsí sḭḭ̄ tə́.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

IJAI 37:35

M-ā m̄-ngɔ̄m̄ ɓē ń toō ō, m-ā m-ájən ō. M-ā -m̄-rāā yá̰á̰ ń noō i tɔdɔ̄ mā i Nə́ɓā ō, m̄-rā dɔ ndūḿ tə́ kə nge kəla yāḿ Dabid ō.

EJEKIEL 36:32

Majə kadə̄ ī-gerī na m-ā m̄-rāā yá̰á̰ ní i najə̄ yāsí sḭḭ̄ tə́ alé. Mā Kɔ́ɔ̄ɓē Nə́ɓā m-ə́da najə̄ ń noō. Israel gə̄, majə kadə̄ rɔ̄sí sɔl̄sí ō, ī-ndə̄ngāī rɔ̄sí najə̄ háĺsí tə́ ō!

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

EPEJƏ 1:8

Ni-rāā adə̄ kumjí edə̄ ngá̰ý ō, jə-gerī kum najə̄ ngá̰ý ō, i kə ta kūl̄ kem majə yān kə́ ngá̰ý ngeé ń toō.

Najə̄ kə́ Majə yā Jeju ń Luk ndang ní 5:21

Ngé ndóō de gə̄ ndū najə̄ gə̄ ō, Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

2 YÁ̰A̰ GƏ̄ 6:21

Ōō ɓār̄ ń mā ō, Israel gə̄ ń i deē yāí gə̄ ní ō, j-tūr̄ kumjí kə̄ loo ń toō tə́ j-ɓārī ní ō. Kɔ́ɔ̄ɓē, ōō ndūjí loo ń ī-ndi tū tə́ dɔ rā̰ tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

PĀ GƏ̄ 103:12

Tītə̄ ń gír ɓē i sa̰y rɔ̄ loo kə́ no ɓē tə́ ní, tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.

IJAI 48:11

Ré m̄-rāā yá̰a̰ beé anī, i najə̄ yāḿ mā tə́ ngóy. Tām̄ mā m̄-ndigə kadə̄ tájə̄mə̄n̄ alé. m̄-ndigə kəya̰ kɔsə gɔn yāḿ kadə̄ de kə́ rang alé.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

IJAI 64:9

Ɓē yāí kə́ táĺ gə̄ ní de gə̄ i kemeé to̰ alé, Jerusalem tél i dəla loo, Siyo̰ i kɔkərɔ kə́ ra dɔ naā tə́ bing kə́ əya̰n̄ kɔ̄ɔ́.

EJEKIEL 18:22

Yá̰a̰ malang kə́ gōtə́ aĺ ń ni-rāā ní, dɔdə́ a ndígə̄nal dɔ tə́ kɔ̄ɔ́ ō, ni a ndi kə kumneé sɔɔ̄ń yá̰á̰ kə́ majə ń ni-rāā ní ō.

EJEKIEL 33:16

Yá̰á̰ kə́ gōtə́ aĺ gə̄ ń ni-rāā kété ní, deē a tə́da aĺ ō, ni a ndi kə kumneé tɔdɔ̄ ni ɓōĺ gidə ndū najə̄ gə̄ ō, ni ɓōĺ gidə rāā yá̰á̰ kə́ gōtə́ ō.

PĀ GƏ̄ 51:3

Nə́ɓā, á̰a̰ kum to ndoō yāḿ sɔɔ̄ń ndūí ń ə̄nī ní! Ḭ̄ nge ka̰a̰ kum tō ndoō yā de gə̄, ɔ̄r̄ yá̰á̰ kə́ gōtə́ aĺ yāḿ gə̄ ń m̄-rāā ní kɔ̄ɔ́.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.