IJAI 43:23 - Bibəl ta Sar̄

²³ Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

Bible sar

²³ Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

IJAI 43:23 Referans Kwoze

AMOS 5:25

Israel gə̄, ɓāl̄ kutə sɔ́ ń ī-rāāī dəla loo tə́ ní, sḭḭ̄ ī-ndējə̄mī yá̰á̰ kə́ tun̄ gə̄ aĺ ō, ādə̄mī yá̰á̰ kə́ ndējə̄ gə̄ aĺ ō.

MATIYE 11:30

Tɔdɔ̄ yá̰á̰ ń m-ə̄ndā dɔ de gə̄ tə́ ní ɔȳ aĺ ō, yá̰a̰ kətō yāḿ i kə́ hɔɔ́lɔ̄ ō.

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

JEREMI 7:22

Dan ń m̄-teē kə kaasí gēé kem ɓē kə́ Ejiptə tə́ kɔ̄ɔ́ ní, m-ə́dádə́ najə̄ kógə̄ḿ aĺ bátə́ ō, m̄-dəjedə́ yá̰a̰ tun̄ kə́ yā róō horoó aĺ ō, yá̰a̰ tun̄ kə́ rang aĺ ō.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

LEBI GƏ̄ 2:1

Ré deē kógə̄ḿ reē kə kōó yā ndējə̄ Kɔ́ɔ̄ɓē anī, ādə̄ i kōō kə́ rāā ndujə̄ kə́ lándə̄ tə́ ba ɓōkə́n̄ yibə̄ ō, kajaja ō dɔ tə́.

Teē Ngán Israel gə̄ 30:34

Kɔ́ɔ̄ɓē əda Moijə na: Ī-sāā yá̰á̰ kə́ kotə majə gə̄: Setorakəsə ō, ambər ō, galbanum ō, kajaja kə́ unjə̄ njáý njáý ō. Ī-sāā ādə̄ asə naā.

LEBI GƏ̄ 24:7

Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.

Gōsə̄ najə̄ gə̄ 3:9

Ī-kēgə̄ yá̰á̰ ń ə́ngé ní ī-ndējə̄ Kɔ́ɔ̄ɓē ō, ādə̄n kan̄ yá̰a̰ yāí kə́ ta kəga dɔ gə̄ ī-rɔȳnneé ō.

JEREMI 7:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Ī-reēī kə yá̰a̰ tun̄ kə́ yā róō horoó gə̄ dɔ yá̰a̰ tun̄ yāsí gə̄ tə́, ba ə́saī dā̰də́.

MISE 6:3

Ni ədan na: Sḭḭ̄ gír deē yāḿ gə̄, m̄-rāā i rí sesí? Yá̰á̰ ń m̄-rāā sesí á kɔr rāańsí ní i rí? Ī-tūr̄mī najə̄ tə́!

NEHEMI 13:10

M-ōō kadə̄ yá̰á̰ kə́ tām̄ yā ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.