IJAI 43:2 - Bibəl ta Sar̄

² Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

Bible sar

² Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

IJAI 43:2 Referans Kwoze

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

PĀ GƏ̄ 66:12

Ḭ̄ ādə̄də́ ta róbə adə̄ rāān̄jí dā̰ kətō yá̰á̰ tə́, j-udə kum hor tə́ ō kum man̄ tə́ ō, banī ḭ̄ ī-teē sejí kɔ̄ɔ́ kum tə́, yā kəndājí ta yá̰a̰ kəsa kə́ ngá̰ý tə́.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

PĀ GƏ̄ 66:10

Nə́ɓā, ḭ̄ ī-nāājí adə̄ ī-ger̄jí, ī-nāājí kum hor tə́ tītə̄ loo nō gində̄ arjā̰a̰ beé.

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

IJAI 30:27

Kɔ́ɔ̄ɓē n toó, ni-ḭḭ i sa̰y n reē. Wōn̄g yān o̰o̰ hor, i wōn̄g kə́ a ɔr̄ tɔ́gə deē. Wōn̄g rosə kem tan. Najə̄ yān to tītə̄ hor kə́ a o̰o̰ loo beé.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

JEREMI 42:11

Mban̄g kə́ Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

DANIEL 3:23

Banī de kə́ mətá gə̄ ń i Sadərak ō Mesak ō Abed Nego ō ní tá tə́sōn̄ kum hor tə́ kə́ təngā ngá̰ý tə́, kə kəlā gēé rɔ̄də́ tə́.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.