IJAI 43:19 - Bibəl ta Sar̄

¹⁹ Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

Bible sar

¹⁹ Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

IJAI 43:19 Referans Kwoze

IJAI 48:6

Yá̰á̰ m-ə́da najə̄n kété ní sḭḭ̄ ōōī ō, á̰a̰ī kadə̄ yá̰á̰ ní reē ugə̄ ō. Ā á̰a̰ī yā ger̄ kadə̄ i yá̰á̰ ní aĺ a? Əla gír ngɔr ń toō tə́ ní, m-ə́da najə̄ yā yá̰á̰ kə́ kijə gə̄ kété. m̄-ngɔ̄m̄də́ loo ɓɔ̄ɔ̄ rɔ̄ tə́ ō, ī-gerīdə́ aĺ ɓáý ō.

IJAI 42:9

Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

JEJU TEĒ KUM JA̰A̰ 21:5

Anī nge ń ndi dɔ kōr̄ kāgə̄ mbang tə́ ní əda na: Á̰a̰ī, yá̰a̰ malang i kə́ m̄-rāā kijə. Ba nge ń ndi dɔ kōr̄ kāgə̄ mbang tə́ ní əda ɓáý to̰ na: Ī-ndang najə̄ ń toō. Tɔdɔ̄ i najə̄ kə́ rɔ̄kum ō, asə kadə̄ deē əndā kemən dɔ tə́ ō.

IJAI 41:18

M-ā m̄-rāā kadə̄ bā gə̄ nūgə́n̄ loo kə́ kḭḭ kə̄ dɔɔ́ gə̄ kə́ kāgə̄ gə̄ gətóon̄ tū tə́ tə́ ō, m-ā m̄-rāā kadə̄ man̄ kə́ əɓa nang tə́ gə̄ nūgə́n̄ kum wól gə̄ tə́ ō. M-ā m̄-tūr̄ dəla loo kadə̄ tél dang man̄ kə́ bo ō, m-ā m̄-tūr̄ loo kə́ mángá kadə̄ tél loo kə́ man̄ i tū tə́ ō.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

Teē Ngán Israel gə̄ 17:6

Na n-a n-ra kété non tə́ loo ń noō tə́ dɔ mbal̄ kə́ Horeb tə́, na a ənda mbal̄ ní kadə̄ man̄ teē tū tə́ kadə̄ de gə̄ a̰ȳn̄. Moijə rāā tītə̄ ń noō ta kum kum kɔɔ̄ gə̄ yā ngán Israel gə̄ tə́.

NDŪ NAJƏ̄ 8:15

I ni n rāā sesí adə̄ ī-njə̄rāīneé kem dəla loo kə́ bo ngá̰ý tə́ ō, to ɓōĺ ngá̰ý tə́ ō ń lī kə́ do̰ tōr̄ ngá̰ý gə̄ ō, gə́na gə̄ ō, i ngá̰ý tū tə́ ní. I loo kə́ kəndā a rāā deē tū tə́ banī deē a ənge man̄ tū tə́ yā ka̰ȳ alé. Ba ni-rāā adə̄ man̄ teē tū mbal̄ kə́ ngan̄g ngá̰ý tə́ tām̄ yāsí tə́.

PĀ GƏ̄ 105:41

Ni njar mbal̄ anī man̄ teē tū tə́, nūgə́ kem dəla loo tə́ tītə̄ bā beé.

TƏ́DA 20:11

Moijə un jīn kə̄ dɔɔ́ ba əndā mbal̄ jīn jōó kə kāgə̄ kə́ jīn tə́. Anī man̄ teē tū mbal̄ ní tə́ ngá̰ý kə̄ ta jī tə́ noō, adə̄ ngán Israel gə̄ ō, yá̰a̰ kul̄ yādə́ gə̄ ō a̰ȳn̄.

PĀ GƏ̄ 126:4

Kɔ́ɔ̄ɓē, ī-tél ī-reē kə ɓəlo yājí gēé gogə́ ɓēé, tītə̄ ń man̄ tél reēń kem kārə̄n tə́ kem loo kə́ Negeb tə́ ní.

IJAI 30:25

Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 33:21

Kɔ́ɔ̄ɓē a ɔjə kadə̄ ni i de kə́ majə ngá̰ý i loo ń noō tə́. Ndɔ̄ń tə́ ɓáa loo ní i gō nang yā bā kə́ bo gə̄ ō, i loo kə́ ndērə̄n̄ bəlo kə́ laa kə́ ra kə ngālāá gə̄ tū tə́ kadə̄ man̄ mānəń. Too kə́ yā rɔ̄ɔń gə̄ a mānə̄n̄ tū tə́ alé. Too bo gə̄ a əndan̄ danən yā gān̄g alé.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 41:19

M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

JEREMI 23:7

Najə̄ ń toō ń na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní de gə̄ a ton̄ dan kəda to̰ alé, ba á̰a̰ī, kem ndɔ̄ gə̄ ń a reēn̄ noō tə́ ní.

IJAI 48:5

I tām̄ najə̄ ń toō tə́ n yá̰a̰ gə̄ ń rāān̄ yá̰a̰ toó ní, m-ə́dásí najə̄n i kété jóó ní. m̄-tāāsí najə̄ yādə́ i kété pá tá kadə̄ reē ugə̄n̄ ɓáý. Kété ní m̄-ndigə i kadə̄ ə́daī najə̄ ń toō alé: I ɓesə̄ yāḿ n rāā yá̰a̰ malang, i kāgə̄ yāḿ kə́ tɔ́sə̄, aláa i gində̄ yāḿ kə́ nō horoó n əda kadə̄ yā rāā yá̰a̰ gə̄ ń noō malang tītə̄ ń noō ní.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.