IJAI 43:12 - Bibəl ta Sar̄

¹² I mā n i nge reē kə kajaá ní, nge kəda najə̄n kété no tə́ ō, nge rāā kadə̄ deē gerə̄n ō ní. I mā, ba i nə́ɓā kə́ mbā kə́ deē asə kənge ɓēé loosí alé. Najə̄ ń Kɔ́ɔ̄ɓē əda ɓáý to̰ ní n toó: Sḭḭ̄ ní, sḭḭ̄ i de kə́ kum tə́ yāḿ gə̄, ba mā ní, mā i Nə́ɓā.

Bible sar

¹² I mā n i nge reē kə kajaá ní, nge kəda najə̄n kété no tə́ ō, nge rāā kadə̄ deē gerə̄n ō ní. I mā, ba i nə́ɓā kə́ mbā kə́ deē asə kənge ɓēé loosí alé. Najə̄ ń Kɔ́ɔ̄ɓē əda ɓáý to̰ ní n toó: Sḭḭ̄ ní, sḭḭ̄ i de kə́ kum tə́ yāḿ gə̄, ba mā ní, mā i Nə́ɓā.

IJAI 43:12 Referans Kwoze

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

NDŪ NAJƏ̄ 32:12

Kɔ́ɔ̄ɓē ɔr no gír deē yān gə̄ i kə kérneé, kanjə̄ nə́ɓā kə́ rang seneé.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

IJAI 37:7

Mban̄g yādə́ a oō najə̄ kógə̄ḿ. Anī m-ā m-ādə̄n gír̄ tél dɔ tə́ kaw̄ kem ɓē yān tə́ ō, nú ní, m-ā m̄-rāā kadə̄ ni a oy yo kaskar ō.

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.