IJAI 43:11 - Bibəl ta Sar̄

¹¹ Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

Bible sar

¹¹ Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

IJAI 43:11 Referans Kwoze

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

Najə̄ kə́ Majə yā Jeju ń Luk ndang ní 1:47

Kɔ́ɔ̄ɓē Nə́ɓā nge kajəḿ rāām̄ adə̄ rɔ̄ḿ nelə̄m̄ ngá̰ý.

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

IJAI 19:20

Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JONAS 2:10

Banī mā m-ā m-ə̄nī pā yā ɓōkíīneé tɔ̄ȳ. M-ā m̄-ndējī yá̰á̰ kə́ tun̄ gə̄. M-ā m̄-rāā yá̰a̰ gə̄ ń m-ə̄nī ndūḿ m-ādī najə̄n tə́ ní. A̰á̰ā̰, Kɔ́ɔ̄ɓē, i ḭ̄ n i nge kajə deē ní!