IJAI 42:9 - Bibəl ta Sar̄

⁹ Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

Bible sar

⁹ Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

IJAI 42:9 Referans Kwoze

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

JA̰A̰ 13:19

M-ə́dásí ngɔr ń toō tə́ pá tá kadə̄ yá̰á̰ ní ugə̄ ɓáý, yā kadə̄ loo ń ugə̄ anī, ī-taāī kem kadə̄ Mā i Mā ń m̄-ndi noó ní.

JOJUE 21:45

Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

1 MBAN̄G GƏ̄ 11:36

Na n-a n-əya̰ gír ɓē kə́ kógə̄ḿ yā kadə̄ ngōn̄ Salomo̰, yā kadə̄ nge kəla yān Dabid əngeń de kə́ gír kojə yān tə́ dɔ kōr̄ kāgə̄ mbang tə́ ngáńdáńg ta kum Kɔ́ɔ̄ɓē tə́ Jerusalem, ɓē ń ni Kɔ́ɔ̄ɓē n-gə̄rā yā kəndā rīn dɔ tə́ ní.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 48:6

Yá̰á̰ m-ə́da najə̄n kété ní sḭḭ̄ ōōī ō, á̰a̰ī kadə̄ yá̰á̰ ní reē ugə̄ ō. Ā á̰a̰ī yā ger̄ kadə̄ i yá̰á̰ ní aĺ a? Əla gír ngɔr ń toō tə́ ní, m-ə́da najə̄ yā yá̰á̰ kə́ kijə gə̄ kété. m̄-ngɔ̄m̄də́ loo ɓɔ̄ɔ̄ rɔ̄ tə́ ō, ī-gerīdə́ aĺ ɓáý ō.

IJAI 48:5

I tām̄ najə̄ ń toō tə́ n yá̰a̰ gə̄ ń rāān̄ yá̰a̰ toó ní, m-ə́dásí najə̄n i kété jóó ní. m̄-tāāsí najə̄ yādə́ i kété pá tá kadə̄ reē ugə̄n̄ ɓáý. Kété ní m̄-ndigə i kadə̄ ə́daī najə̄ ń toō alé: I ɓesə̄ yāḿ n rāā yá̰a̰ malang, i kāgə̄ yāḿ kə́ tɔ́sə̄, aláa i gində̄ yāḿ kə́ nō horoó n əda kadə̄ yā rāā yá̰a̰ gə̄ ń noō malang tītə̄ ń noō ní.