IJAI 42:7 - Bibəl ta Sar̄

⁷ De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

Bible sar

⁷ De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

IJAI 42:7 Referans Kwoze

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

2 TIMOTE 2:26

Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

Najə̄ kə́ Majə yā Jeju ń Luk ndang ní 24:45

Loo ń noō tə́ ni-rāā adə̄ gerə̄n̄ kum yá̰a̰ gə̄ ń ndangən̄ kem makətūbə̄ gə̄ tə́ ní,

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

IJAI 29:18

Ndɔ̄ ngeé ń noō tə́ ní, ngé mbíkī gə̄ a oōn̄ yá̰á̰ ń ə́dan̄ kem makətūbə̄ tə́ ní. Ngé kum tɔ̄ɔ̄ gə̄ a teēn̄ kɔ̄ɔ́ kum loo kə́ ndɔ̄ɔ́ kə́ ndul tə́ ō, nin̄ a a̰a̰n̄ loo unjə̄ ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

IJAI 42:22

Ba ń toō ɓáa sḭḭ̄ i gír de gə̄ kə́ ɔyn̄ yá̰á̰ kənge yāsí kɔ̄ɔ́ dɔ gúú tə́. Ɓōkə́n̄sí malang kem bəlo kə́ bo gə̄ tə́ ba utə̄n̄ tasí, ī-ndiī i kem kújə dəngáy gə̄ tə́. Madə̄ ba̰ā̰ gə̄ əhɔn̄sí tītə̄ yá̰a̰ kənge kə́ kəhɔ ta rɔ̄ɔ̄ tə́ beē ō, de kə́ reē dḭḭ̄sí gətóo ō. Nin̄ aw̄n̄ sesí ō, de kə́ yā kəda na ādə̄mī sedə́ gətóo ō.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

JA̰A̰ 9:7

ba ədan na kə aw̄ kə tə́go kumən gár̄ man̄ kə́ Siloe tə́. Siloe kə ta ɓē yādə́ ní kumən na i Nge kaw̄ kəla. Ni-aw̄ tū tə́ aké tə́go kumən, dan ń a tél a reē kə̄ ɓēé anī, a̰a̰ loo.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!