IJAI 42:21 - Bibəl ta Sar̄

²¹ Yá̰á̰ ń Kɔ́ɔ̄ɓē ra dɔ tə́ yā rāā ní i yá̰á̰ kə́ gōtə́, ni sāā kɔjə kadə̄ ndū najə̄ yān i ndū najə̄ kə́ bo ngá̰ý ō, majə ngá̰ý ō.

Bible sar

²¹ Yá̰á̰ ń Kɔ́ɔ̄ɓē ra dɔ tə́ yā rāā ní i yá̰á̰ kə́ gōtə́, ni sāā kɔjə kadə̄ ndū najə̄ yān i ndū najə̄ kə́ bo ngá̰ý ō, majə ngá̰ý ō.

IJAI 42:21 Referans Kwoze

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

Makətūbə̄ ń Pol ndang adə̄ Rom gə̄ ní 7:12

Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

MATIYE 3:15

Ba Jeju tél ədan na: Kə́ ngɔr ń toō tə́ ní, ə́ya̰ ādə̄ jə-rāā tītə̄ nəkɔ́ ń toō. Tɔdɔ̄ yá̰a̰ malang ń Nə́ɓā gḛy kadə̄ yā rāā ní, j-a jə-rāā kadə̄ udə gírí i tītə̄ ń noō. Anī Ja̰a̰ ndigə.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

PĀ GƏ̄ 71:19

Nə́ɓā, háĺ kə́ gōtə́ yāí ngāl̄ ngá̰ý kə̄ dɔɔ́ ō, ī-rāā yá̰á̰ kə́ bo ngá̰ý gə̄ ō! Nə́ɓā, de kə́ to tītīí gətóo.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

GALATƏ 3:21

I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

JA̰A̰ 8:29

Nge ń əlam̄ ní i seḿ, ni-əya̰m̄ kə kerə́ḿ alé. Tɔdɔ̄ m̄-rāā yá̰á̰ kə́ nelə̄n kə ndɔ̄ gə̄.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

PĀ GƏ̄ 71:16

Kɔ́ɔ̄ɓē Nə́ɓā, m-ā m-údə ɓēé looí i kə ta kūl̄ dḭḭ̄ ń ī-dḭḭ̄m̄ ní ō, i háĺ kə́ gōtə́ yāí ngóy n m-ā m-ɔ̄r̄ najə̄n ní ō.

PĀ GƏ̄ 138:2

M-ɔ́sə noḿ nang tə́ sɔɔ̄ kújə́ kə́ táĺ yāí ō, m̄-tɔ̄ȳ rīí ō, i tām̄ kem majə yāí tə́ ō, najə̄ kə́ rɔ̄kum yāí tə́ ō, tɔdɔ̄ ḭ̄ ī-rāā i yá̰á̰ ń ə̄nī míndí yā rāā ní ō, ḭ̄ ī-rāā ādə̄ mān̄ dɔ ō.

IJAI 51:4

Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

NDŪ NAJƏ̄ 4:6

Ré ī-rāāī kə gō ń m-ɔ́jəńsí ní anī, gír de kə́ rang gə̄ ń a oōn̄ ndū najə̄ gə̄ ń toō malang ní, a rāān̄sí i gír de kə́ ngáā gə̄ tə́ ō, de kə́ ger̄ yá̰a̰ gə̄ tə́ ō, a ədan̄ na: Nápar de gə̄ ń toō i nápar de gə̄ kə́ yā kɔsə gɔndə́, i gír de kə́ ngáā gə̄ ō, kə́ ger̄ yá̰a̰ gə̄ ō.

NDŪ NAJƏ̄ 4:8

I nápar de kə́ ngá̰ý kə́ rá gə̄ n ndū najə̄ yādə́ gə̄ ō, jī-bēl̄ loo rāā yá̰a̰ yādə́ gə̄ ō, ton̄ kə gōó majə tītə̄ ndū najə̄ gə̄ malang ń m-ɔ́jə́sí ɓōólaā ní?