IJAI 42:19 - Bibəl ta Sar̄

¹⁹ I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?

Bible sar

¹⁹ I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?

IJAI 42:19 Referans Kwoze

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

JA̰A̰ 9:41

Jeju tél ədadə́ na: Ré sḭḭ̄ i ngé ka̰a̰ loo aĺ gə̄ anī, majaĺ yāsí a gətóo. Banī ngɔlaā ń toō ə́daī na sḭḭ̄ na á̰a̰ī loo, ādə̄ i tāmən ń toō tə́ n majaĺ yāsí toń gotoó ní.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 26:3

Ni əya̰ yá̰á̰ kógə̄ḿ adə̄ nujə kemən alé. Kɔ́ɔ̄ɓē, ḭ̄ ādə̄n lɔm, tām̄ ni ənī kemən adī.

IJAI 6:9

Anī Kɔ́ɔ̄ɓē ədam̄ na: Āw̄ ə́dá gír de gə̄ ń toō: Ā ōōī najə̄ majə, banī ā ī-gerī kum alé. Ā á̰a̰ī loo majə, banī ā á̰a̰ī yá̰á̰ kógə̄ḿ alé.

MATIYE 13:13

I tām̄ najə̄ ń noō tə́ n m-ún gidə najə̄ kə̄ gogə́ tá m-ɔ̄r̄ sedə́ ní. I najə̄ ka̰a̰ kə́ nin̄-a̰a̰n̄ loo, ba a̰a̰n̄ yá̰a̰ aĺ tə́ ō, koō kə́ nin̄-oōn̄ loo, ba oōn̄ kōō yá̰a̰ aĺ tə́ ō, gerə̄n̄ kum yá̰a̰ aĺ tə́ ō.

IJAI 27:5

Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

IJAI 29:18

Ndɔ̄ ngeé ń noō tə́ ní, ngé mbíkī gə̄ a oōn̄ yá̰á̰ ń ə́dan̄ kem makətūbə̄ tə́ ní. Ngé kum tɔ̄ɔ̄ gə̄ a teēn̄ kɔ̄ɔ́ kum loo kə́ ndɔ̄ɔ́ kə́ ndul tə́ ō, nin̄ a a̰a̰n̄ loo unjə̄ ō.

IJAI 43:8

Ādə̄ gír de gə̄ ń toō reē ran̄! Kumdə́ to noó, banī nin̄ a̰a̰n̄ loo alé, mbīdə́ to noó, banī nin̄ oōn̄ loo alé.