IJAI 42:17 - Bibəl ta Sar̄

¹⁷ Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

Bible sar

¹⁷ Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

IJAI 42:17 Referans Kwoze

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

IJAI 44:11

De gə̄ malang ń əhɔn̄ gō yá̰á̰ kə́ tɔ́sə̄ adə̄ ngan̄g ní, əlan̄ i rɔ̄sɔl̄ kə́ ngá̰ý dɔ rɔ̄də́ nin̄ kɔ́ gə̄ tə́. Kɔdə̄ ngé tɔ́sə̄ yá̰a̰ gə̄ nin̄ i deē ndul gə̄ ngóy. Ādə̄ nin̄ ɔsən̄ dɔdə́ naā tə́, ādə̄ nin̄ malang reē ran̄! Ɓōĺ a rāādə́ ō, rɔ̄də́ a sɔl̄də́ ngá̰ý ō.

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

IJAI 44:17

Gotə kāgə̄ ń na̰y ní, nin̄ rāān̄ nə́ɓā kógə̄ḿ tə́, rāān̄ ɓesə̄ yādə́ tə́. Nin̄ ɔsən̄ nodə́ nang tə́ no ɓesə̄ ní tə́, nin̄ rɔȳnən̄ ō, ndɔ̄ȳn̄ tītə̄ ń toō beé ō ədan̄ na: Ḭ̄ i nə́ɓā yāḿ, ájəm̄!

Teē Ngán Israel gə̄ 32:8

na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

Teē Ngán Israel gə̄ 32:4

Aaro̰ taā nō horoó rāā ngōn̄ man̄g tə́. Anī ngán Israel gə̄ ədan̄ na: Á̰a̰ī nə́ɓā yājí ń teē sejí kem ɓē kə́ Ejiptə tə́ kɔ̄ɔ́ ní n toó.

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

PĀ GƏ̄ 135:18

Ādə̄ ngé rāādə́ gə̄ ton̄ tītə̄də́ ō, ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ ō.