IJAI 42:15 - Bibəl ta Sar̄

¹⁵ M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

Bible sar

¹⁵ M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

IJAI 42:15 Referans Kwoze

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

IJAI 44:27

Bā bo ń ɗúú ngá̰ý ní, m-ə́dan yá̰á̰ ń toō kadə̄ rāā, m-ə́da na: Ī-tél loo kə́ tutə. m̄-rāā adə̄ man̄ yāí iī kɔ̄ɔ́.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

JEJU TEĒ KUM JA̰A̰ 16:18

Anī man̄ tel̄ kə̄ loo gə̄ tə́ ō, ndū de gə̄ ɓār̄ ō, man̄ ndang kə̄ loo gə̄ tə́ ō, dɔ nang ndew i ndew kə́ to ɓōĺ ngá̰ý kə́ jóo toó deē a̰a̰ dɔ nang loo ndew tə́ tītə̄ ń noō aĺ ɓáý ō.

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

JEJU TEĒ KUM JA̰A̰ 11:13

Kum mbang ngeé ń noō tə́ ní, dɔ nang ndew ngá̰ý. Adə̄ ré gángə̄n̄ ɓē naā tə́ gír loo kutə anī, gírən kə́ kógə̄ḿ tétə̄ nang tə́ kɔ̄ɔ́ malang. Adə̄ de gə̄ dūbú sīrí oyn̄ dan ń dɔ nang ndewń tə́ ní. Gotə de gə̄ ń na̰yn̄ ní ɓōĺ rāādə́, adə̄ ɔsən̄ gɔn Nə́ɓā kə́ dɔ rā̰ tə́.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

Makətūbə̄ yā Aje 2:6

A̰á̰ā̰, yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Na̰y kum mbang i séý beē kadə̄ a yéȳ dɔ rā̰ ō dɔ nang ō, bā bo ō dɔ nang kə́ ngan̄g ō.

EJEKIEL 38:20

Kānjə̄ gə̄ kə́ kum bā bo tə́ ō, yel̄ kə́ dɔ rā̰ tə́ gə̄ ō, dā̰ kə́ bembeé gə̄ ō, lī kə́ kagə nang tə́ gə̄ ō, de kə́ dɔ nang tə́ gə̄ ō, nin̄ malang ní, ɓōĺ a rāādə́, adə̄ a ndewn̄ ta kumḿ tə́. Mbal̄ bo gə̄ a tə́sōn̄ ō, ngán mbal̄ gə̄ a tə́sōn̄ ō, ndogə̄ mbal̄ kógə̄ḿ kə́ yā ra dɔɔ́ a gətóo ō.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

IJAI 49:11

M-ā m̄-rāā kadə̄ mbal̄ gə̄ malang télən̄ róbə́ kə́ kundə́ tōr̄ aĺ gə̄. M-ā m̄-tél yā rāā róbə gə̄ gogə́ rang.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

IJAI 41:15

M-ā m̄-rāāī yá̰a̰ rāā kəla kə́ kijə kə́ to kijə tə́, yá̰a̰ jɔ̄r̄yɔ̄ nán̄g ta kɔsə kə́ ta ngāngən i kə́ atə tə́. Ā ī-rējə̄ mbal̄ gə̄, ā ī-tūr̄də́ kadə̄ télən̄ bumbə́ru ō, ngán mbal̄ gə̄ ɓáa ā ī-rāādə́ i mu tə́ ō.

EJEKIEL 38:19

Kem wōn̄g yāḿ kə́ ngá̰ý tə́ ní, m̄-túbə́ m-ə́da na: Ndɔ̄ ń noō tə́ ní ngá̰ý dɔ nang kə́ Israel tə́.