IJAI 42:14 - Bibəl ta Sar̄

¹⁴ Kɔ́ɔ̄ɓē əda na: M-ɔ̄r̄ najə̄ aĺ i jóo, m̄-ndi kanjə̄ kəda yá̰á̰ kógə̄ḿ. Ba ngɔlaā m-ā m-ə́ga kɔŕ. m̄-tó̰ō̰ ō, koōḿ gətóo ō, m̄-taā koō majaĺ ō, tītə̄ dəyá̰ kə́ a rāā loo kojə ngōn̄ beé.

Bible sar

¹⁴ Kɔ́ɔ̄ɓē əda na: M-ɔ̄r̄ najə̄ aĺ i jóo, m̄-ndi kanjə̄ kəda yá̰á̰ kógə̄ḿ. Ba ngɔlaā m-ā m-ə́ga kɔŕ. m̄-tó̰ō̰ ō, koōḿ gətóo ō, m̄-taā koō majaĺ ō, tītə̄ dəyá̰ kə́ a rāā loo kojə ngōn̄ beé.

IJAI 42:14 Referans Kwoze

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

Makətūbə̄ yā Job 32:20

I beé ní m-ā m-ɔ̄r̄ najə̄ yā kadə̄ koōḿ teē pá tá kemḿ tetə. M-ā m̄-tḛḛ̄ taḿ yā kɔrə̄ń najə̄, adə̄ m-ā m̄-tūr̄ i najə̄ yā kəda.

Makətūbə̄ yā Job 32:18

Tɔdɔ̄ najə̄ rosə kemḿ ō. Koō kə́ kemḿ tə́ ɔsə seḿ ta kɔ̄r̄ najə̄ ō.

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

IJAI 65:6

Ba yá̰a̰ gə̄ ń noō malang ní, m-ə̄ndā kumḿ gírí majə ngá̰ý. M-ā m̄-ndi taḿ mbóo aĺ ō, m-ā m̄-rāā kadə̄ nin̄ a əgān̄ kə̄rā yá̰a̰ rāādə́ nin̄ kɔ́ gə̄ kə́ gōtə́ aĺ gə̄ ngá̰ý ō,

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.