IJAI 42:11 - Bibəl ta Sar̄

¹¹ Ādə̄ deē oō kōō pā loo gə̄ ń de gə̄ ndin̄ tū tə́ dəla loo tə́ ní, loo gə̄ ń ngé njə̄rā dɔɔ́ kə́ Kedar gə̄ əhɔn̄ loo ndin̄ tū tə́ yā kḭḭ kə̄ kété ní tə́! Ādə̄ de gə̄ ń ndin̄ Ros ní ɔjən̄ rɔ̄nel̄ yādə́ kə̄ ndágá, ādə̄ ran̄ ta tél mbal̄ bo gə̄ tə́ dɔɔ́ əgan̄neé kɔŕ rɔ̄nel̄!

Bible sar

¹¹ Ādə̄ deē oō kōō pā loo gə̄ ń de gə̄ ndin̄ tū tə́ dəla loo tə́ ní, loo gə̄ ń ngé njə̄rā dɔɔ́ kə́ Kedar gə̄ əhɔn̄ loo ndin̄ tū tə́ yā kḭḭ kə̄ kété ní tə́! Ādə̄ de gə̄ ń ndin̄ Ros ní ɔjən̄ rɔ̄nel̄ yādə́ kə̄ ndágá, ādə̄ ran̄ ta tél mbal̄ bo gə̄ tə́ dɔɔ́ əgan̄neé kɔŕ rɔ̄nel̄!

IJAI 42:11 Referans Kwoze

IJAI 32:16

Loo ń noō tə́ a ɓōlə́n̄ gidə yá̰á̰ kə́ súmūú dəla loo tə́ ō, yá̰á̰ kə́ gōtə́ a ndi kem ndɔr̄ kāgə̄ gə̄ kə́ a anə̄n̄ tə́ ō.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

IJAI 35:6

Ngé nja motə gə̄ a tḭ́ḭ̄n̄ bal tītə̄ jal̄ gə̄ beé ō, ngé gə̄ ń gír kəlā ndo̰də́ do̰ō̰ naā kɔ̄ɔ́ adə̄ nin̄ a ɔrə̄n̄ najə̄ aĺ ní, a teēn̄ tadə́ yā kədań najə̄ rɔ̄nel̄ yādə́. Man̄ a kə̄rā tiriri dəla loo tə́, bā gə̄ a nūgə́n̄ dɔ nang kə́ tutə tə́.

IJAI 21:16

Tɔdɔ̄ yá̰á̰ ń Kɔ́ɔ̄ɓē ədam̄ ní n toó: Ɓāl̄ kógə̄ḿ ta asə naā anī, yá̰a̰ malang kə́ to rī ɓār̄ yā Kedar a gətóo kɔ̄ɔ́.

IJAI 16:1

Ngār gə̄ kə́ Moab ədan̄ na: Ḭ́ḭḭ̄ kə bal batə̄ gēé mbal̄ kə́ dəla loo tə́ āwīiń ādī kɔ́ɔ̄ ɓē, āwīiń ādī mban̄g kə́ Juda, dɔ mbal̄ Siyo̰ tə́.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

TA KƏLA 25:23

anī Kɔ́ɔ̄ɓē əda na: Nápar de gə̄ jōó i kemií tə́. Gír de gə̄ jōó a teēn̄ kemií tə́. Gír de kə́ kógə̄ḿ gə̄ a ngangə̄n̄ tɔȳ madə̄də́ gə̄. Nge kə́ nga tɔ́gə a əla dɔn gíŕ tɔ́gə yā nge kə́ dūú tə́.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 48:28

Moab gə̄ ī-teēī kɔ̄ɔ́ kem ɓēé ba aw̄ ī-ndiī mbal̄á. Ī-ndájə dér gutə gə̄ ń a rāān̄ ɓēdə́ i ta bəlo kə́ bo tə́, adə̄ i loo kə́ dum kadə̄ deē aw̄ ugə̄ tū tə́ tə́ ní.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.

IJAI 40:3

De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

IJAI 12:5

Ə̄nī pā tām̄ yā Kɔ́ɔ̄ɓē tə́, tɔdɔ̄ ni-rāā yá̰á̰ kə́ bo gə̄. Yá̰á̰ kə́ bo gə̄ ń ni-rāā ní, ə́daī de kə́ dɔ nang tə́ gə̄ malang ādə̄ gerə̄n̄ gō!

JEREMI 49:31

Ḭ́ḭī dɔɔ́, āw̄ ə̄nīī nápar de kə́ usədə́ yá̰a̰ aĺ gə̄ ń ndin̄ kanjə̄ sōl̄ yá̰á̰ kógə̄ḿ ní rɔ̄ɔ̄. Najə̄ ń Kɔ́ɔ̄ɓē əda ní n noó. Ta róbə yādə́ gə̄ gətóon̄ ō, gində̄ kutə ta róbə yādə́ gə̄ gətóon̄ ō. I de gə̄ kə́ nin̄ ndin̄ i kə kéŕdə́.

EJEKIEL 27:21

De kə́ Arab tə́ gə̄ ō, ngār gə̄ malang kə́ Kedar gə̄ ō rāān̄ gātə̄ i seí ḭ̄ḭ́. Nin̄ a mangən̄ yá̰a̰ jīí tə́ i kə ngán batə̄ gēé ō, i kə batə̄ gēé ō, i kə bə̄yā̰ gēé ō.