IJAI 42:10 - Bibəl ta Sar̄

¹⁰ Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

Bible sar

¹⁰ Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 42:10 Referans Kwoze

PĀ GƏ̄ 33:3

Ə̄nīī pā kə́ kijə ādə̄niī. Loo ń ā ə́gaī kɔŕ rɔ̄nel̄ anī úgiī kənde ādī majə.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

PĀ GƏ̄ 40:3

Ni ɔrə̄m̄ kem bəlo kə́ majaĺ ngá̰ý tə́ ō, kum bɔr kə́ loo kə́ lú ngá̰ý tə́ ō, teē seḿ ndágá. Un udəm̄ dɔɔ́ dɔ mbal̄ tə́ ō, rāā adə̄ njaḿ əhɔ dɔ nang majə ō.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

JEJU TEĒ KUM JA̰A̰ 14:3

Dūbūú de gə̄ ní ran̄ ta kōr̄ kāgə̄ mbang tə́ ō, no yá̰á̰ kə́ kə kumuú kə́ sɔ́ gə̄ tə́ ō, no kum kɔɔ̄ gə̄ tə́ ō, ənīnəń pā kə́ kijə. De kə́ rang kə́ asə ndóō pā ní gətóo, ba i de gə̄ kə́ 144 000 gə̄ ń gāngə̄n̄ dɔdə́ dan de kə́ dɔ nang tə́ gə̄ tə́ ní tá ngóy.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

IJAI 65:14

Ngé gə̄ ń rāān̄ kəla adə̄mə̄n̄ ní, a əgan̄ kɔŕ rɔ̄nel̄, tɔdɔ̄ ngarā̰ kemdə́ i kə́ rosə kə rɔ̄nelēé, banī sḭḭ̄, ā ə́gaī kɔŕ wur kɔl, tɔdɔ̄ wursí tōr̄sí ngá̰ý. A̰á̰ā̰, ā ī-nōōī, tɔdɔ̄ kemsí tɔ̄ɔ̄ táḿ táḿ kɔ̄ɔ́.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

PĀ GƏ̄ 150:6

Ādə̄ yá̰a̰ malang ń a taā koō ní tɔ̄ȳ Kɔ́ɔ̄ɓē! Aleluya!

PĀ GƏ̄ 97:1

Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

PĀ GƏ̄ 96:11

Ādə̄ dɔ rā̰ rāā rɔ̄nel̄, ādə̄ dɔ nang tḭ́ḭ̄ bal walya. Ādə̄ kōō bā bo kə yá̰a̰ malang kə́ tū tə́ ɓār̄ bu bu!

1 YÁ̰A̰ GƏ̄ 16:32

Ādə̄ kōō bā bo kə yá̰a̰ malang kə́ tū tə́ ɓār̄ bu bu! Ādə̄ loo kə́ bembeé kə yá̰á̰ kə́ kemeé gə̄ malang rāān̄ rɔ̄nel̄!

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 12:5

Ə̄nī pā tām̄ yā Kɔ́ɔ̄ɓē tə́, tɔdɔ̄ ni-rāā yá̰á̰ kə́ bo gə̄. Yá̰á̰ kə́ bo gə̄ ń ni-rāā ní, ə́daī de kə́ dɔ nang tə́ gə̄ malang ādə̄ gerə̄n̄ gō!

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

IJAI 62:11

Kɔ́ɔ̄ɓē rāā adə̄ de gə̄ oōn̄ ndūn bátə́ ta ngóy dɔ nang tə́. I beé ní, ə́daī ɓē kə́ Siyo̰ na: Nge kajií a reē noó. Ngé gə̄ ń ni-əngedə́ ní, ni-tél reē sedə́. Yá̰á̰ ń ni-ənge gír kəla yān tə́ ní ni-tél reēń.